Haserrea piztu du Espainiako Gobernuak EITBri Nafarroan ETBren seinalea eteteko agindu izanak. Astearte iluntzean jakinarazi zuen EiTBk ostegunetik aurrera beteko duela agindu hori, hala egin ezean hedabide publikoaren "ekipo eta instalazioak zigilatzeko" agindu baitu Madrilek.
ETB Nafarroan ikusi ahal izateko, sinadura bilketa bat abiatu dute Interneten, eta ia 9.000 dira eskariarekin bat egin dutenak: "Zenbat eta telebista kate anitzagoak ikusteko aukera izan, orduan eta hobeto. Defenda dezagun eskubide hori".
