Legutioko (Araba) Udalak ezohiko udalbatzarra egin du gaur goizean, Pedro Berriozabal (EA) alkateak deituta, eta hilketa eta atentatua "erabat" gaitzestu ditu. EAk lau zinegotzi ditu -alkatea barne-, EAJk beste lau eta PSE-EEk bat; 2007ko udal hauteskundeetan EAE-ANVi ez zion legez aurkezten utzi Espainiako Justiziak -ezker abertzaleak urteetan eduki izan du han alkatetza-.
Udalak elkartasuna adierazi die atentatuan kaltetuak izan direnei eta horien senideei, eta "indarkeria eta terrorismoa desagertzeko, eta euskal herritarrak bakean eta askatasunean bizitzeko lanean" segituko duela dio.
Bihar eguerdirako elkarretaratzea deitu du. Udaletxearen aurrean egingo dute.
1.600 lagun bizi dira Legution.
Udalak atentatua gaitzestu du ezohiko udalbatzarrean
Iruzkinak
Ez dago iruzkinik
Ordenatu
