Urkullu, haserre ertzainen protesta zaratatsua dela eta

Eusko Jaurlaritzako, Bizkaiko Foru Aldundiko eta Bilboko Udaleko zenbait goi kargudunek hartu zuten parte atzoko ekitaldian, eta Ertzainak Borrokan taldeak aukera hori baliatu zuen protesta zaratatsua egiteko. Ekitaldia karpa batean izan zenez, barruan ere ozen entzun ziren Josu Erkoreka Segurtasun sailburuaren dimisioa eskatzen zuten oihuak, besteak beste. Justu Iñigo Urkulluk hitza hartu zuenean isildu ziren. Haserre mintzatu zen lehendakaria: «Sentitzen dut ni hemen egoteak halako egoera deserosoa eragitea. Gizarte aniztunetan ezinbestekoa da errespetuzko jarrerak izatea; asko dugu ikasteko».