Ekaitz Samaniego bertso eskoletan

Ekaitz Samaniego 21 urteko gasteiztarra da; orain dela bospasei urte hasi zen bertso eskolan, eta ordutik etengabea izan da Arabako Bertsozale Elkartearekin duen harremana. Kurtso honetan ere ume taldeak bertsozaletzen aritu da, hiru bertso eskolaren irakaslea baita. Saio antolatzaile nekaezina, barnetegiko begirale, irakasle, langile porrokatua... Orain, zortzi urtera zigortu nahi dute. Arabako Bertsozale Elkartetik, orain arte gurekin egindako lana nabarmendu, eta guretzat galera handia dakarrela azpimarratu nahi genuke. Ekaitz, jaso ezazu gure eskerrik beroena; besarkada bat.