EFE informazio agentzia 1939ko urtarrilean sortu zuten, Burgosen (Espainia), Ramon Serrano Suñer Francoren koinatuak eta Manuel Aznar Zubigarai kazetariak. Suñerrek gidatutako Barne Ministerioak Prentsa Legea dekretatu zuen 1938an, Francoren aginduz. Horren bitartez, komunikabideak behartuta zeuden estatuaren propaganda zabaltzera. 1939an, bertan, frankisten aldeko Kazetarien Erregistro Ofiziala sortu zuten.
Errepublikako informazio agentziei aurre egiteko helburuarekin sortu zuten EFE, eta, frankistek gerra irabazi ondoren, Madrilera eraman zuten. Aznar Zubigarai Etxalarren jaio zen, 1894an, eta EAJko kide egin zen 1916. urtean. Faxistak 1936. urtean matxinatu zirenean, Burgosera joan zen, haiekin bat egiteko. Irungo Udalak (Gipuzkoa) Embajador Aznar kalea du hirian, haren omenez.
EFE agentzia: Francoren koinatua eta Aznarren aitona, errepublikaren aurka
Iruzkinak
Ez dago iruzkinik
Ordenatu
