Albistea entzun

Aralarren VI. kongresua

Rebeka Ubera izendatu dute Aralarreko idazkari nagusi

Militanteen %85,7en babesa jaso du idazkari nagusi berriak. Estatutuak eta ponentzia politikoa ere adostu dute, babes handiarekin.

Rebeka Ubera eta Patxi Zabaleta, gaurko kongresuan.
Rebeka Ubera eta Patxi Zabaleta, gaurko kongresuan. Jagoba Manterola / Argazki Press

Berria -

2014ko azaroak 15

Alderdiaren VI. Kongresua egin du Aralarrek Iruñean (Nafarroa), Iruña Park hotelean. Bertan, zuzendaritza berria aukeratu dute militanteek. Rebeka Ubera idazkari nagusi izendatu dute %85,7ko babesarekin (90 boto), eta orain arteko koordinatzailea, Patxi Zabaleta, ohorezko presidente izatera pasa da, %89,5ek hala erabakita (94 boto) . Uberak “ezker abertzale zibil eta anitza eraikitzeko” helburua nabarmendu du izendatua izan eta gero, eta helburu hori “momentu politiko honetan inoiz baino gertuago” dagoela azpimarratu du. Alde horretatik, “Euskal Herriak egitura demokratiko eta eraginkorrak dituen ezker abertzalea” behar duela adierazi du idazkari nagusi berriak, “hori baita Euskal Herri independente eta burujabea lortzeko bermea”. Uberarekin batera, Ainhoa Beola, Asun Fernandez de Garaialde, Jon Inarritu, Nekane Perez, Maite Sarasua, Rikardo Otxoa, Aitor Zaldua eta Aser Lertxundik osatuko dute alderdiaren zuzendaritza berria.

Zuzendaritzarekin batera, alderdiaren estatutu berriak eta ponentzia politikoa babestu dute militanteek, 10:30etan hasi den saioan. Estatutuek %83,5ko babesa izan dute, eta txosten politikoak 88,7aren babesa jaso du.  Bakea, bizikidetza, erabakitzeko eskubidea, Euskal Herriko hiru esparru administratiboak errespetatzea, eta «”ezker berria eta iraultza sozialaren” alde egingo dute, Ekosozialismoa eta Independentzia izeneko txosten politikoak dakarrena babestuz. Aurreko astean, Bilbon, zuzenketak bozkatu zituzten —estatutu proposamenen aurkako osoko zuzenketak %13,8ko babesa baino ez zuen izan.

Zabaletak atzo Euskadi Irratian adierazi zuen Aralar “ideologikoki oso pozik” dagoela ibilbideaz. “Gure helburuak bete egiten direla ikusten dugulako gaude pozik, baina azpiegitura berriak eta bateratuak sortzeko pausoak emateko ordua iritsi da”.

Rebeka Ubera (Elgeta, 1972) Aralarreko Antolaketa idazkaria izan da 2009tik. Bi legealdietan (2003-2007 eta 2007-2011) diputatua izan da Gipuzkoako Batzar Nagusietan, Ezker Batuarekin koalizioan azkenekoan. 2012tik legebiltzarkidea da Eusko Legebiltzarran, EH Bildu koalizioan. Haur Hezkuntzan eta Heziketa Fisikoan diplomatua da, eta psikomotrizista ere bada. 2001. urtetik da Aralarkidea. Euskalduna da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nikolas Blain eta Anita Lopepe, Baionan egin duten agerraldian ©Bob Edme

Eskaintza politiko berri bat eratu nahi du EH Baik

Ekhi Erremundegi Beloki

Lehen kongresua eginen du azaroaren 26an. Txosten politikoa eta organizatiboa eztabaidatzen hasiko da ondoko egunetan

Miren Etxebeste eta Victor Lana, Donostian. ©Ahal Dugu.

Miren Etxebestek iragarri du aurkeztuko dela Gipuzkoako Ahal Dugu-ren hautagai izateko primarioetan

Uxue Rey Gorraiz

 Donostiako alkategai izateko, Victor Lasak ere aurkeztu du hautagaitza.

Pello Otxandiano, atzo, Donostian. ©ARITZ LOIOLA / FOKU

Egiturazko neurriak sustatzeko hitzarmen bat proposatu du EH Bilduk

Iosu Alberdi

Ongizate Hitzarmenak hamar neurri jaso ditu: bost «ongizatearen oinarri materialak bermatzeko», eta beste horrenbeste aberastasuna banatzeko

Frantziako armadan sartzera deitzeko publizitate bat, Baionako autobus geltoki batean. ©GUILLAUME FAUVEAU

Egun bat Frantziako armadan, nahi eta nahi ez

Oihana Teyseyre Koskarat

Iparraldeko 16 eta 25 urteko gazte guziak behartuak dira Frantziako armadarekin edo Jendarmeriarekin egun bat pasatzera. Euskaldunen kontrako diskriminazioa pairatu dute anitzek, «propaganda» egunean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Informazio osagarria

Iruzkinak kargatzen...