Albistea entzun

Foru hauteskundeak

Hego Euskal Herrirako proposamena argitzeko eskatu dio Uberak Podemosi

Akordioetara iristeko prestutasuna berretsi du Aralarreko idazkari nagusiak Info7 irratian, Podemos erabakitze eskubidea gauzatzearen alde badago.

Rebeka Ubera, Aralarreko idazkari nagusia.
Rebeka Ubera, Aralarreko idazkari nagusia. Jagoba Manterola / Argazki Press

Berria -

2014ko azaroak 24 07:38

Sei hilabete falta dira oraindik Hego Euskal Herriko foru eta udal hauteskundeetarako, baina hasiak dira dagoeneko balizko akordioen inguruko eztabaidak. Navarrometro inkestak eta Eusko Jaurlaritzaren azterketek Podemosen indarra aurreikusi dute. Nafarroako kasua izan da adierazgarriena: hauteskundeak irabaziko lituzke alderdiak, 18 eserleku lortuta. Nafarroako Parlamentuak eskatutako inkestari erabateko sinesgarritasuna inork gutxik aitortu badio ere, joerak aintzat hartu dituzte alderdi politiko guztiek. Adolfo Araiz EH Bilduko Nafarroako presidentetzarako hautagaiak koalizioa Podemosekin hitz egiteko prest dagoela adierazi du, "Nafarroan bazterketarik gabeko aldaketa sozial eta politikoa" bermatze aldera. Egoera "bitxia" dela esan du, "programarik eta liderrik ez duen alderdi" batek halako aurreikuspenak jasotzeagatik, baina ez du begi txarrez ikusi Podemosen balizko indarra: "ongi etorriak izan daitezela 35 urteko erregimenari amaiera jartzeko ordua dela uste duten indar guztiak". Xabier Olano Gipuzkoako ahaldun nagusirako EH Bilduren hautagaiak ere, Podemosekin programan "koinzidentziak" egon daitezkeela onartu du, eta alde horretatik, ez  du akordiorik baztertu.

Podemosek, ordea, mesfidantza sortu du azken adierazpenetan. Ione Belarra alderdiko zuzendaritzako kide nafarrak Diario de Noticias egunkariari eskaini zion elkarrizketa, atzo. Nafarroan Bildurekin gobernua osatzeko aukeraren inguruan galdetuta, Podemosen Asanblea Nazionalaren —estatu mailako egitura— esku utzi zuen Belarrak erabakia: "Podemoseko zuzendaritzak ez du akordioetarako ildorik zehaztuko. Oinarriek erabakiko dute, estatu mailan". Alegia, estatuko militante eta zaleek erabakiko dutela, Nafarrokoen ordez. Orain gutxi, Kataluniako prozesu subiranistaren inguruan, katalanen erabakitze eskubidea defendatu zuen Pablo Iglesias Podemoseko buruak. "Katalunia Espainiatik joaterik ez" duela nahi esan zuen Iglesiasek, baina argi utzi zuen erabakitzekotan katalanek bakarrik osatuko luketeela subjektua. Belarraren adierazpenek, ordea, zalantzan jarri dute hori.

Horren harira, Podemosen inguruan "ezjakintasuna eta zalantza" duela adierazi du gaur Rebeka Ubera Aralarko idazkari nagusi izendatu berri eta EH Bilduko legebiltzarkideak. Haiekin hitz egiteko eta negoziatzeko prestutasuna berretsi du, "nafarren erabakitze eskubidea gauzatzeko prest" baldin badaude behintzat, baina onartu du argitu gabe dagoela Podemosek Hego Euskal Herrian hartuko duen jarrera: "Ez dakigu aldarrikatzen dituzten proposamen ideologiko eta pragmatikoak zeintzuk diren. Nafarroarako eta Euskal Herrirako proposamenik ez dugu ezagutzen, eta ez dakigu benetan erabakitze eskubidearen aldeko apustua egingo duten". Alde horretatik, auzi horiek argitzeko eskatu dio Uberak Podemosi .

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Beatriz Artolazabal Eusko Jaurlaritzako Berdintasun, Justizia eta Gizarte Politiketarako sailburua. ©ENDIKA PORTILLO / FOKU

HBko kideei bidalitako bonben auzia ikertzea galdegin du Artolazabalek

Edurne Begiristain

Gertakarien sekretu ofiziala kentzeko eskatu du Jaurlaritzako Justizia sailburuak. EH Bilduk biktimen artean mailaketak egitea egotzi dio

 ©IDOIA ZABALETA / FOKU

«Presoek egiteko bat dute elkarbizitzaren eraikuntzan»

Maddi Ane Txoperena Iribarren

Dudouetek uste du euskal prozesua «berritzailea» eta «inklusiboa» izan dela, aldebakarrekoa ez ezik: «Egon da elkarrizketa bat; euskal elkarrizketa bat». Itxaropenez egiten die so azken aitzinamenduei.

 ©Jon Urbe / FOKU

Herri baten biderako gakoak

Enekoitz Esnaola

Erabakitzeko eskubidea, erreferenduma, estrategia partekatua, gizarte zibila, desobedientzia, eta bide demokratikoak eta baketsuak nabarmendu dituzte Ibarretxek, Torrak, Alvarezek eta Cuixartek

<em>Gatazken eraldaketa demokratikoa</em> izenpeko mahai ingurua, atzo, Donostiako Kursaalean. ©JON URBE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna