Albistea entzun

Naziotasuna

Nazio marka Gipuzkoako seinaleetan

Aldundiak seinaleak jarriko ditu herrialdeko bederatzi lekutan, Udalbiltzarekin sinatutako akordio baten ondorioz.

Nazio marka jasotzen duen seinalea, A-15 autobidean, Iruñerako norabidean.
Nazio marka jasotzen duen seinalea, A-15 autobidean, Iruñerako norabidean. Gipuzkoako Foru Aldundia Tamaina handiagoan ikusi

Berria -

2014ko azaroak 26

Mertxe Aizpurua hautetsien biltzarreko lehendakariak eta Larraitz Ugarte Gipuzkoako Foru Aldundiko Mugikortasuneko eta Bide Azpiegituretako diputatuak eman dute akordioaren lehen aplikazioaren berri. Aizpuruak jakinarazi duenez, Euskal Herriko nortasun grafiko instituzionalaren eskuliburua-ren lehenengo hiru atalak argitaratu zituen Udalbiltzak ekainean, Euskal Herria aintzat hartzen duen nortasun grafiko bateratua udalei proposatuz, herri bakoitzeko irudi korporatiboarekin batera erabiltzeko.

Azken hilabeteetan, hainbat udalerri hasi dira nortasun grafiko berria erabiltzen. Nazio marka horren diseinuen jabetza Udalbiltza Partzuergoarena da, eta, horren harira, horiek erabili ahal izateko akordioa sinatu zuen Gipuzkoako Foru Aldundiarekin. Ugarte diputatuak adierazi duenez, Udalbiltzako lana aldundiak egiten zuen lanarekin bat zetorrela ikusi zuten, alegia, bat zetorrela "Euskal Herriaren nazio egitura indartzeko, herrien arteko saretzea lortzeko, euskal herritartasuna  bultzatzeko eta nazioartean ezagutarazteko" helburuekin.

Guztira, bederatzi kartel jarriko ditu Gipuzkoako Foru Aldundiak, bere errepideetako beste horrenbeste lekutan. A-15 autobidean jarriak dituzte, eta N-1, AP-8 eta AP-1 errepideetan hurrengo egunetan jarriko dituzte. Seinaleek 4,9 x 5 metroko tamaina daukate, eta bakoitzak hiru leku "esanguratsu eta kasu askotan turistikoak" iragarriko ditu.

Ekimen honen kostuari dagokionez, hitzarmenak berak ez dakar erakundeen aldetik kostu ekonomikorik, aldundiak ez baitio Udalbiltzari ordainduko nazio marka erabiltzeagatik. Hala ere, aldundiak nazio marka horren zabalpenean lagundu nahi duenez, udalentzat 15.000 euroko diru laguntza bat ezarriko du 2015ean, udalek haien herrietan marka hori barnebiltzen duten bide seinaleak jar ditzaten. Bestetik, aldundiak 91.500 euro inbertituko ditu Gipuzkoako errepide nagusietan kartelak jartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©Jaizki Fontaneda / Foku

Salbuespenezko espetxe politika amaitzeko eskatu du Egiari Zor-ek

Jone Bastida Alzuri

Aldarrikatu dutenez, beharrezkoa da aitortzea eta aintzat hartzea presoek eta haien senideek jasan dituzten biolentzia mota guztiak

 ©@PabloIglesias

Pablo Iglesias: «Demokrazia batek ezin du onartu torturak aplikatzea»

Lander Muñagorri Garmendia

'Non dago Mikel?' filmaren estreinaldian izan zen ostiralean Espainiako presidenteordea Irene Montero Berdintasun ministroarekin

Iñigo Urkullu, Beatriz Artolazabal eta Paco Etxeberria atzo, Bilbon. ©MONIKA DEL VALLE / FOKU

Gerran hildakoen 110 gorpu topatu dituzte Araban, Bizkaian eta Gipuzkoan

Gotzon Hermosilla

Jaurlaritzak aurkeztu du hobiak lokalizatu eta aztertzeko planaren balantzea. 27 baino ez dituzte identifikatu. Biktimen «duintasuna eta memoria» goratu dute

Josu Erkoreka Eusko Jaurlaritzako Segurtasun sailburua eta Fernando Grande-Marlaska Espainiako Barne ministroa, atzo. ©DAVID AGUILAR / EFE

Erkorekak eta Grande-Marlaskak Poliziaren jardunaz hitz egin dute

Maddi Ane Txoperena Iribarren Jon O. Urain

Lehendakariordea eta Espainiako Barne Ministroa espetxe eskumenen transferentziaz aritu dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.