Albistea entzun

Finantzak

Kutxabanken irabaziak %66 handitu dira irail arte

"Erabateko zuhurtzia" irizpidearekin jarraitu du bankuak, eta beste 280 milioi jarri ditu horniduretan balantzea indartzeko.

Ivan Santamaria -

2014ko abenduak 1 13:23

Irailera arte izan dituen emaitzei buruzko informazioa zabaldu du gaur Kutxabankek, ohar baten bidez. Urteko lehen bederatzi hilabeteetan taldeak 100 milioi euro garbi irabazi ditu. Aurreko urtearekin alderatuz, mozkinak %66 handitu dira. Gehiago ere izan zitekeen, kontuan hartuta balizko galerak estaltzeko 280 milioi gehiago gorde dituela bankuak. Horri esker, kaudimena are gehiago indartu du: Core Tier ratioa %12,9ra igo da, ia 2013ko itxieran baino puntu bat gehiago.

Mailegu eskaintzan hazkunde adierazgarriak izan dituela nabarmendu du bankuak. Hala, urtea hasi zenetik hipoteka berrien kopurua %30 igo da, eta kontsumorako kreditua, %37. Enpresentzako finantzazio berria ere %30 handitu da, aurreko urteko datuekin alderatuta.

Urte osoko interes marjinak behera egin du, baina ekainetik irailera %1 igo izanari garrantzia eman dio bankuak. Bankuak 256 milioi euro kobratu ditu komisioetan, aurreko urtean baino %7 gehiago. Finantza diru sarrerak zamatu dituzten hainbat faktore aipatu ditu Kutxabank-ek. "Hala nola, legeak ezarriako baldintzen baitan IRPH indizearen ordezkapenak — azaroaren 1ean erabat amaitutako eragiketa — edota zoru-klausura zehatz batzuen desagerpena".

Berankortasun tasak bere horretan eutsi dio. Talde osoarena %5,8 izan da iraila arte. Zalantzazko aktibo berrien kopurua %50 jaitsi da urtearen joanean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Greba deialdiaren berri ematen duten afixak. ©Oskar Matxin Edesa / FOKU

Akordiorik ezean Bizkaiko metalgintzako grebak luzatuko direla iragarri dute

Imanol Magro Eizmendi

CCOO, LAB eta UGT borroka luzatzeko prest daude, baina hil bukaerako lanuzteen ondoren erabakiko dute nola. ELArekin harremanetan jarraitzen dute.

Mitxel Lakuntza eta Mikel Noval, gaur, Bilbon. ©ELA

ELAk uste du inoiz baino premiazkoagoa dela zerga erreforma bat

Iker Aranburu

Eusko Jaurlaritza, Nafarroako Gobernua eta aldundiak kritikatu ditu kapitalaren gaineko zergak handitu nahi ez dituztelako.

Kamioi bat AP-8 autobideko bidesari batean. ©Gari Garaialde / Foku

Bizkaiko AP-8a eta Supersurra %10 merkeagoak izango dira kamioientzat

Jokin Sagarzazu

Horrez gain, erabilera maiztasunaren araberako deskontuak %13rainokoak izango dira, eta motor alternatiboak erabiltzen dituzten kamioiek %25ekoa izango dute gehienez. Aldundiak 5,5 milioi gutxiago jasoko ditu.

Cirmautoko langileen elkarretaratzea, artxiboko irudia ©ELA

Nafarroako Justizia Auzitegi Nagusiak bertan behera utzi du Cirmauto enpresako kaleratze kolektiboa

Isabel Jaurena

ELAk sententzia ospatu du, eta Nafarroako Gobernuaren «geldotasuna» kritikatu du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...