Albistea entzun

KATALUNIA INDEPENDENTZIARAKO BIDEAN

Kataluniako Auzitegi Nagusiak tramiterako onartu du Artur Masen kontrako kereila

Azaroaren 9ko galdeketarengatik hainbat delitu egitea egotzi zioten. Presidentearekin batera, Joana Ortega eta Irene Rigau inputatu dituzte.

Artur Mas eta Joana Ortega, azaroaren 9 gaueko agerraldian.
Artur Mas eta Joana Ortega, azaroaren 9 gaueko agerraldian. Marta Perez / EFE

Berria -

2014ko abenduak 22 15:47

Artur Mas Kataluniako Gobernuko presidentea, Joana Ortega presidenteordea eta Irene Rigau Hezkuntza kontseilariaren aurkako salaketak tramiterako onartu ditu Kataluniako Auzitegi Nagusiak.

Lau orduko bileraren ostean hartu dute erabakia aretoko sei epaileek. "Ustezko desobedientziari lotutako gertakariak" ikertuko dituzte. Azaroaren 9an Kataluniako etorkizunari buruz eginiko prozesu parte hartzailean ustez eginiko delituengatik salatu zituzten. Rigau, ikastetxeetan kontsulta egiteko baimena emateagatik. Desobedientzia eta prebarikazioa egitea, eta funtsak bidegabe erabiltzea leporatu zieten hirurei.

Zazpi kereila eta 25 salaketa aurkeztu ziren azaroaren 9ko galdeketaren harira, eta baztertu egin dituzte, besteak beste, Kataluniako Parlamentuko presidente Nuria de Gisperten edo gobernuko hainbat kideren kontra aurkeztutakoak. Kereila guztiak bakarrean bilduko ditu auzitegiak, eta ikertuko du Kataluniako Gobernuak desobedientzia deliturik egin ote zuen, Espainiako Auzitegi Konstituzionalak galdeketa debekatu ostean.

Espainiako fiskal nagusi ohi Eduardo Torres-Dulcek behartu zuen kereila aurkeztea Kataluniako Justizia Auzitegi Nagusian, erakunde horretako fiskalek hala egitea baztertu ostean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek lau palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.