'CHARLIE HEBDO'-REN AURKAKO ERASOA

"Datorren asteko zenbakia prestatzeko erabiliko dugu geratzen zaigun energia apurra"

'Liberation'-en egoitzan da 'Charlie Hebdo'-ko lantaldea, hurrengo zenbakia prestatzeko.

Poliziak eta kazetariak 'Liberation' egunkariaren egoitzako atarian.
Poliziak eta kazetariak 'Liberation' egunkariaren egoitzako atarian. / Liberation Tamaina handiagoan ikusi

Berria -

2015eko urtarrilak 9

Astekariak edizio berezia aterako du asteazkenean, eta milioi bat ale banatuko ditu. Zortzi orrialde izango ditu, eta Canal+, Le Monde eta Liberation-en laguntza izango du horretarako. Gaur joan dira erasoa jasandako astekariko langileak Liberation egunkariaren egoitzara, han hasiko baitira prestatzen hurrengo asteko zenbakia.

Richard Malka astekariko bozeramaile eta abokatuak esan du geratzen zaien "energia apurra" datorren asteko alea prestatzeko erabiliko dutela.

Prentsa eta Aniztasuna funtsetik 250.000 euro bideratuko dituzte zenbaki horretara. Funtsa Frantziako prentsa editoreek kudeatzen dute, eta irakurleek ematen duten diruaren onura fiskaletatik ateratzen dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna