Albistea entzun

hondakinak

Bilboko Udalak dio Artigas inguruak garbi daudela

BERRIAk jakin duenez, ordea, plastikoz betea agertu zen ingurua garbitu gabe dago oraindik, plastikozko poltsek janda.

Basoa, zaborrez beteta

Aitziber Laskibar Lizarribar -

2015eko martxoak 3

BERRIA egunkariak urtarrilaren 30ean argitaratu zuen informazioaren harira, Bilboko Udaleko Obra eta Zerbitzuen Sailari azalpenak emateko eskatu zion Bilduk, eta gaur egin du agerraldia Jose Luis Sabas zinegotziak. Arraiz mendia garbi dagoela esan du zinegotziak. BERRIAk jakin duenez, ordea, garbitu gabe jarraitzen du Artigas zabortegiaren inguruak. Arraiz mendialdearen toki hori plastikozko poltsaz beteta dago oraindik. Bideoa: Artigas ingurua, urtarrilaren amaieran (BerriaTB).



Sabasek Aitziber Ibaibarriaga Bilduren zinegotziaren galderei erantzunez esan duenez, udalak bere mendien egoeraren jarraipena egiten du aldiro, eta udalaren mendiak garbi daude. Arraiz mendiaren bi behe-ibarrak ikuskatu dituela ziurtatu du, eta ez dagoela plastikorik. "Garbi dago". Plastikorik ageri ez den mendialdeen argazkiak erakutsi ditu hori ziurtatzeko. Esan duenez, otsailaren 2an egindako argazkiak dira.

BERRIAk zuzenean ikusi zuen erabat kaltetuta zegoela Artigas inguruko lur eremuaren egoera. Plastikoek erabat jana zuten. Milaka eta milaka plastikozko poltsa zeuden lurrean, errekan, zuhaixka eta adaxketan trabatuta, eta hainbat argazki eta bideo bat argitaratuta erakutsi zuen egoera. Tamaina horretako triskantza bi egunetan garbitzea ezinezkoa da. 

Are, bere horretan jarraitzen du zikindutako eremuak. Inork ez du garbitu, eta plastikozko poltsek janda dago oraindik.

Ibaibarriagak Artigaseko Tratamendu Mekaniko Biologikoko instalazioen eta zabortegiaren inguruko lurren planoa eskatu du, eta lur eremu horiek norenak diren zehazteko. Lurra edonorena izanik ere, garbitzeko neurriak har ditzala eskatu dio udalari. TMB planta bat da zaborraren iturburua, eta hori kudeatzen duen enpresari isuna jartzeko eska dezala ere proposatu dio.
 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Atzo goizean antolatutako bi mahai inguruetako bat. ©M. DEL VALLE/ FOKU

Ekotopaketak: egiturazko makur bat zuzentzeko

Iñigo Astiz

Kapitalismoaren dinamikaren ondorio ekologiko eta ekonomikoak elkarrekin aztertu dituzte Ekotopaketen bigarren eguneko goizeko mahai inguruan.

Pantxika Maitia moderatzailea, Jean Baptiste Paoli, Delphine Le Bras, Herve Couture eta Aines Dufau, Ikas-ek atzo antolatu hitzaldian, Baionan. ©BOB EDME

Pedagogia ardatz, indarrak batu

Oihana Teyseyre Koskarat

Hizkuntza gutxituetan ikasmateriala ekoizteko dituzten mugez eta erronkez eztabaidatzeko elkartu dira Korsikako, Okzitaniako, Bretainiako eta Ipar Euskal Herriko adituak, Baionan.

 ©Iñigo Uriz / FOKU

«Gure obsesio izan beharko lukete giza eskubideek»

Edurne Elizondo - Nafarroako Hitza

Kazetaria, idazlea eta ikerlaria. Hitz horiekin osatu du Olga Rodriguez Franciscok bere biografia txikia. Nazioarteko hamaika gatazkaren lekuko izan da. Bazter utzitakoak eraman nahi izan ditu beti erdigunera.

Pentsiodunen Mugimenduak Donostian egindako manifestazioa. ©Jon Urbe / FOKU

Zerbitzu soziosanitario duinak aldarrikatu dituzte pentsiodunek

Iñaut Matauko Rada

Hego Euskal Herriko lau hiriburuetan egin dituzte mobilizazioak, Pertsona Helduen Nazioarteko Egunean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...