Albistea entzun

Martxoak 3

"Itxaropenerako arrazoiak" daudela nabarmendu dute Martxoak 3ko biktimen ekitaldian

1976an gaurko egunez poliziak hil zituen bost langileak gogoan izan dituzte Gasteizen. Servini epailearen ikerketa "mugarri" dela adierazi du Martxoak 3 elkarteak. "Oroimena, ordaina eta justizia" eskatu du EH Bilduk biktimentzat.

Martxoak 3ko biktimen aldeko manifestazioa Gasteizen.
Martxoak 3ko biktimen aldeko manifestazioa Gasteizen. David Aguilar / EFE

Edurne Begiristain -

2015eko martxoak 3

Gaur bete dira 39 urte Espainiako Poliziak bost lagun tiroz hil eta beste dozenaka zauritu zituela Gasteizen. Biktima horiek denak gogoan izan dituzte gasteiztarrek, kalean. Arratsaldean, bost biktimen aldeko ekitaldia egin dute ELA, LAB, ESK eta Steilas sindikatuek deituta, eta Eva Barroso eta Nerea Martinez Ociok hartu dute hitza Martxoak 3 elkartearen izenean.

"Itxaropenerako arrazoiak" dituztela nabarmendu dute, Maria Servini Argentinako epaileak Frankismoko krimenak ikertzeko saioak "bide berri bat" ireki duelakoan baitira. Espainiaren "zigorgabetasuna" amaitzeko "mugarritzat" jo dute Serviniren ikerketa, eta uste dute aurrerantzean "ezer" ez dela berdin izango.

Manifestazioa egin dute ondoren, langileen borrokaren oroimenean lelopean.

Eguerdian izan da lehen ekitaldia, Zaramaga auzoan: EH Bilduk lore eskaintza eta omenaldia egin die biktimei. Pedro Maria Martinez Ocio, Romualdo Barroso, Francisco Aznar, Jose Castillo eta Bienvenido Pereda Poliziak hil zituen langileak gogoan, "oroimena, ordaina eta justizia" aldarrikatu dute. Halaber, Gasteizko gertakarien ondorengo egunetan Basaurin (Bizkaia) eta Tarragonan (Herrialde Katalanak) izandako istiluetan hildako Juan Gabriel Rodrigo eta Vicente Anton oroitu dituzte.

Ehunka lagun izan dira ekitaldian, tartean, EH Bilduko zenbait zinegotzi eta batzarkide eta Iker Urbina eta Rafa Larreina Amaiurreko diputatuak. Aurreskuaren eta lore eskaintzaren ostean, Miren Larrion EH Bilduko Gasteizko alkategaiak  hartu du hitza. Hark azpimarratu duenez, "Martxoaren 3ko balioak PP eta Javier Marotoren proiektu arrazista eta elitistaren alderantzizkoak dira erabat". Larrionen esanetan, leku ezberdinetatik etorritako jendea batu zen Martxoaren 3an, eta egun toki ezberdinetatik etorritako jendeak jarraitzen du Araba gorria eraikitzen".

Martxoaren 3ko biktimek euskal herritarren zein eragile politiko eta sindikalen babesa jasoko dute gaurkoan. Arratsaldean, biktimen aldeko ekitaldia egingo da Zaramaga auzoan, eta ostean, manifestazioa egingo da, ELA, LAB, ESK eta EILAS sindikatuek deituta. 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bernat Etxepare lizeoko ikasleen protesta, Oier Oaren alde ©Guillaume Fauveau

Oier Oari ez diote lurralde debekua kenduko, eta familiatik banatua segitu beharko du

Ekhi Erremundegi Beloki

Gaur eman du erabakia Parisko Zigor Auzitegiak. Otsailean epaituko dute, Baionan, lurralde debekua urratzea leporatuta.

Llotja de Marreko alderdien ordezkariak, iaz, Espainiako Kongresuan. ©Javier Lizón / EFE

Alderdi subiranistek Espainiako Konstituzioa «agortuta» dagoela aldarrikatu dute

Paulo Ostolaza

Konstituzioaren Egunaren bezperan, ohar bateratu bat plazaratu dute Llotja de Marreko akordioaren sinatzaileek. «Herrien autodeterminazio eskubidean oinarritutako eredu bat» eskatu dute.

 ©GORKA RUBIO / FOKU

«Gure ustez, beharrezkoa da EAJ gobernutik kanporatzea»

Gotzon Hermosilla

Ezker Anitza-IUk X. Batzarra egin du, eta EAEn «ezkerreko alternatiba sendo bat» osatu behar dela nabarmendu dute berriro, «Nafarroan egin denaren antzera».
 ©CHEMA MOYA / EFE

«Kontuen emaitzak ikusita, esango nuke badugula zer esana»

Iosu Alberdi

Kongresuan kontuen inguruko lehen akordio bat lortu arren, Esteban ez da negoziazio mahaitik altxatu. Aurrekontuen ingurukoak izan ditu hizpide; baita datozen hilabeteetan irits daitezkeen lege erreformak ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.