Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

IRADIER ARENA

Gasteizko PPko zinegotzi ohi bat ikertzeko eskatu du fiskalak

Iradier Arenaren alokairuaren prezioa %90 urritu zutelakoan, prebarikatzea eta diru publikoa modu bidegabean erabiltzea egotzi die fiskalak Encina Serrano zinegotziari eta udaleko teknikari bati.

Iradier Arenan 2012an eginiko ekitaldi bat.
Iradier Arenan 2012an eginiko ekitaldi bat. Juanan Ruiz / Argazki Press

Berria -

2015eko martxoak 18 09:40

Udaleko oposizioko talde guztiek Javier Maroto egin dute erantzule, eta hark Serrando babestu du. Eraikinaren alokairuko prezioa murriztuta, udalak 1,3 milioi euro irabazteari utzi ziola kalkulatu dute; Marotok Serranoren jarduna onetsi du, neurri horrek Iradier Arenara ekitaldi gehiago erakarriko zituela iritzita.

PSEk 2013ko uztailean aurkeztu zuen salaketa Serranoren eta Enrique Ruiz de Gordoa teknikariaren aurka. 2013ko azarora arte izan zen Serrano Kultura Plangintza eta Festa zinegotzia. Fiskalak salaketa aztertu zuen, eta deklaratzera deitu zituen Serrano, Ruiz de Gordoa eta Manu Uriarte, egungo Ogasun zinegotzia, Iradier Arenan ekitaldiak egin zituzten hainbat sustatzailez gain.

PSEk salatu zuenez, 2012ko martxoaz geroztik hamalau aldiz ezarri zituzten ogasun hobariak, udal ordenantzan ezarritako irizpideak errespetatu gabe. 18.127 euro bildu zituen udalak hamalau ekitaldi horietan, baina hobaririk gabe, 1,3 milioi jasoko zituzkeen.

Marotok PSE jomugan

Iazko urrian, Euskal Autonomia Erkidegoko Kontu Auzitegiak kritikatu zuen udalak 2008 eta 2013 artean 30 ekitaldiri eman zizkiela %90eko diru laguntzak. Instrukzio epaileak erabaki beharko du auziari heltzen dion.

Javier Maroto alkateak, ordea, gogorarazi du PSEk ere hobariak eman zituela 2011ra arte, Iradier Arenara ekitaldiak erakartzeko. Argudiatu du hobari horien helburua zela eraikin horretan ekitaldiak sustatzea eta kontzertu eta abarrak, Bilbo edota Logroñon egin ordez, Gasteizen egitea.

Gainera, Marotok ukatu egin du udalak dirua irabazteari utzi ziola: "Ez genukeen euro bat ere irabaziko, kontzertu horiek ez baitzetozen Gasteizera hobaririk ezarri ezean".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Osasun larrialdia bihar sartuko da indarrean

Osasun larrialdia bihar sartuko da indarrean

Arantxa Iraola

Urkulluk jakinarazi du gaur bertan sinatuko duela osasun larrialdia deklaratzeko dekretua, eta bihar arratsalderako bilerara deitu du Labi

23 etxegabetzeen aurkako prentsaurrekoa eskaini du Gasteizko Etxebizitza Sindikatuak ©Gasteizko Etxebizitza Sindikatua

Gasteizko Etxebizitza Sindikatuak salatu du 23 pertsona etxegabetuak izateko «arrisku larrian» daudela

Unai Etxenausia

Sindikatuko kideek ohartarazi dute «etengabe» iristen zaizkiela etxegabetzear dauden pertsonen kasuak.

Indarkeria matxistaren kontrako manifestazioa Iruñean, joan den azaroaren 25ean. ©Iñigo Uriz, FOKU

Beste sexu eraso bat egin izana egotzi diote azaroan Berriozarren atxiloturiko gizon bati

Uxue Rey Gorraiz

Iruñeko Udaltzaingoak azaroaren 22an eraman zuen atxilo gizonezkoa, emakumezko bati eraso egitea leporatuta. Orain, abuztuan izandako eraso batekin zerikusia duela iritzi dio Poliziak. Gizonezkoa espetxeratua dago.

Ziurtagiria ostatuetan eta gaueko aisialdian soilik ez erabiltzea aztertzen ari da Jaurlaritza

Ziurtagiria ostatuetan eta gaueko aisialdian soilik ez erabiltzea aztertzen ari da Jaurlaritza

Arantxa Iraola

Iñigo Urkullu lehendakariak egin du iragarpena; onartu du erabilera zabaltzera egiten badute, auzitara jo beharko dutela berriro onespen eske.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.