Albistea entzun

BAM

Baiona-Angelu-Miarritzen, eskuina nagusi

Lehen itzuli honetan, ez du bere parioa kausitu Pauen gehiengoa zuen ezkerrak Baionako, Angeluko eta Miarritzeko kantonamenduetan.

Jean-Jacques Lasserre.
Jean-Jacques Lasserre. / Isabelle Miquelestorena

Iñaki Etxeleku -

2015eko martxoak 23 17:00

Baiona 2ko kantonamenduan, Cristophe Martin oraingo kontseilari nagusi sozialista lehen agertzen da, Juliette Muller bikotekidearekin, eta bigarren itzulian berriz hautatua izateko xantzarekin, baina bestalde gertatu zaie beste kantonamenduetako sozialistei.

Baiona 3 kantonamenduan, Yves Ugalde eta Christine Lauque zentro-eskuinekoak lehen dira, boz gutirengatik, baina Henri Etxeto eta Marie Christine Aragon oraingo kontseilariei aitzina hartuz. Sozialistek, berdeen eta ezkerreko fronteko bozak bildurik ere, ez dute partida erraza izanen bigarren itzulian. Baionako herriko etxeko bozetan gertatu denari eite du franko kantonamendu honek, ikusi beharko baita Fronte Nazionalaren bozak nora joanen diren eta, oroz gain, EH Bairenak, kasik %10etara helduz, berriz ere eragin baitezakete heldu den igandeko emaitzetan.

Baiona 1 kantonamenduan, haatik, Claude Olive Angeluko auzapezak (UMP) eta Florence Lasserrek parioa irabazi dute, aise aitzinean agertzen baitira lehen itzulian (%48,26); abantzu segurra dute bigarren itzulirako.

Angeluko kantonamenduan ere zentro-eskuina nagusi da aise, Patrick Chasseriaud eta Nicole Darrasse aitzinean baitira (%40,69). Sozialisten izenean, Sandrine Dervillekin aurkezten zen Guy Mondorge orain arteko kontseilari nagusiak bere kargua gal lezake, beraz, bigarren itzulian emaitza baieztatzen bada.

Miarritzen, Max Brisson eta Maider Aroztegi kontent jalgi dira lehen itzulitik, denen aitzinean agerturik, eskuineko hautagaitza zabala izanik. Eskuineko boz guzien beharra izanen du bikoteak Max Brissonek zuen karguaren berreskuratzeko.

Hendaian sozialistak aitzinean badira ere, esperantza Baionako hiriguneko hirietan zuten Pauen gehiengo baten atxikitzeari begira. Ikusiz Mendialdean, Atharratzen eta Garazin zituzten kontseilariak galdurik eta eremu horretan zentro eskuina nagusi agertzen dela, pentsatzekoa da arras neke izanen zaiola alderdi sozialistari departamenduaren atxikitzea, non ez duen abstentzioko bozetarik biltzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bizkaiko Batzar Nagusietan Usansoloren desanexioa bozkatu zen momentuan ©Marisol Ramirez/ FOKU

Galdakaoko Udalak demandatu gisa aurkeztea erabaki du Usansoloko auzian

Berria

Bizkaiko Batzar Nagusiek lurraldeko 113. udal gisa onartu zuten Usansolo, galdeketaren ostean, eta estatuko abokatutzak helegitea aurkeztu zuen. Galdakaoko Udalak demandatu gisa aurkeztea erabaki du, prozesu honetan egindako bidea defendatzeko.

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.
 ©MARISOL RAMIREZ / FOKU

«Madrilen berme» mahaian

Jon Ordoñez Garmendia - Xabier Martin

PSE-EEn bide luzea eginikoa da Ares: sozialisten ordezkari 2005etik 2007ra bitarteko bake elkarrizketetan eta Jaurlaritzako Barne sailburu, besteak beste. Karguan zela hil zuen Ertzaintzak Cabacas. 68 urte zituela hil da.

Bake Bideak eta Bakegileak taldeek antolatu mobilizazioa Ipar Euskal Herria blokeatzeko. ©Bob Edme/ Iparla

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...