Noiz sortua: 2015-03-28 17:02:32

Presoen babesaren kontrako operazioa

"Bakearekin eta konponbidearekin konprometituta gaude"

Herritar ugarik babestu dute presoen eta senideen eskubideen aldeko manifestazioa. Aste honetan atxilotu eta inputazioekin atzo aske utzi zituzten Etxerat-eko kide Nagore Lopez de Luzuriaga eta Izaskun Abaigar eta Jaiki Hadiko kide Fernando Arburua eta Oihana Barrios joan dira pankartaren buruan.

Lau atxilotuak, manifestazioaren bukaeran, oholtza gainean./
Lau atxilotuak, manifestazioaren bukaeran, oholtza gainean./ Gurutze Izagirre Tamaina handiagoan ikusi

Gurutze Izagirre-Jokin Sagarzazu -

2015eko martxoak 28

Preso eta senideen eskubideen alde. Elkartasuna aurrera! lelopean egin da aste honetako polizia operazioa salatzeko manifestazioa. Jendeak txalo artean eta "Presoak kalera, amnistia osoa" oihuekin hartu ditu presoen senideak, horiek mobilizazioaren buruan lehen metroak egin dituztenean.

Aste honetan atxilotu eta atzo askatu zituzten Etxerat-eko kide Nagore Lopez de Luzuriaga eta Izaskun Abaigar eta Jaiki Hadiko kide Fernando Arburua eta Oihana Barrios joan dira pankartaren buruan, hainbat sindikatu, alderdi eta herritarren babesarekin. Besteak beste, bertan izan dira EH Bilduko Julen Arzuaga, Pello Urizar, Oskar Matute, Maribi Ugarteburu eta Rebeka Ubera, Sortuko Hasier Arraiz eta Pernando Barrena, Rufi Etxeberria, Iñigo Iruin abokatua, Aralarreko Patxi Zabaleta eta Ainhoa Beola, ELAko Amaia Muñoa, Pablo Gorostiaga,...

Bakeari ateak ixteko saioak

Manifestazio jendetsua izan da, eta amaieran Bulebarreko agertokira igo dira atzo aske geraturiko lau atxilotuak. Eskerrak eman dizkiete bertaratuei, eta presoen eskubideen alde lanean ari direnen "kriminalizazioa" salatu dute. Nagore Lopez Luzuriagak esan du bakea eta konponbidearekin konprometituta daudela, "inork ez dezan jasan guri gertatua". Hala, gizartearen babesa eskatu dute horrelako gertaerak bukatzeko. 

Mati Iturraldek (Jaiki Hadi) eta Maider Alustizak (Etxerat) manifestaziora deitu duten 18 eragileren izenean hitz egin dute esateko "bakeari ateak ixteko saioak" direla halako polizia operazioak. Horrez gain, salatu dute "muturreko egoeran" bizi diren presoen bizi-baldintzak nabarmen okertzen dituela konfiantzazko osasun laguntza kentzeak.

Tamainako erasoen aurrean, tamainako erantzuna emateko deia egin dute.

Zain dago ama kantuarekin eta Euskal presoak etxera oihuekin amaitu da mobilizazioa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Aitor Esteban, Espainiako Kongresuan. ©Ballesteros / EFE

EAJk Madrili eskatuko dio malgutzeko hirugarren fasea

Berria

Hurrengo fasearen inguruko erabakiak autonomia erkidegoek hartu beharko lituzketela azpimarratu du EAJren Espainiako Kongresuko bozeramaile Aitor Estebanek. Haren ustez, alarma egoera berriz luzatzea onartuz gero, azken aldia izan beharko luke: «Ezin da gehiago luzatu».

Mari Luz Esteban eta Elixabete Garmendia. / ©GORKA RUBIO, FOKU

«Zahartzaroari ematen zaion tratamenduaren metafora da gertatu dena»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Espainiako poliziak, Lapurdi eta Nafarroa arteko mugan. ©JAGOBA MANTEROLA/ FOKU

Mugako baldintzak malgutzeko eskatu dute Urkulluk eta Roussetek

Ekhi Erremundegi Beloki

Gutun bat bidali diete Frantziako eta Espainiako gobernuei, «euroeskualdean mugaz gaindiko joan-etorriak zabaltzeko»

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna