DONIBANE LOHITZUNE
Eskuina garaile Donibane Lohizuneko kantonamenduan
Isabelle Dubarbier-Gorostidi eta Philippe Juzan izanen dira Donibane Lohizuneko kontselari nagusiak %54,6ekin, hau da, 5.619 boz lorturik.
Isabelle Dubarbier-Gorostidi eta Philippe Juzan izanen dira Donibane Lohizuneko kontselari nagusiak %54,6ekin, hau da, 5.619 boz lorturik.
Philippe JuzanEHBai zuten parean. Leire Larrasa eta Peio Etxeberri-Aintxartek %45,4a jaso dute, 4673 boz.
Abstentzioa %50,69a izan da. Bozkatzeko izena eman dutenen artean, 11.392 ez dira joan bozkatzera. Lehen itzulian 11.493 ziren ez joan. Hots, lehen itzuliari konparatuz, 100 bozkatzale gutxiago dira bozkatzera joan bigarren itzulian.
Nahiz eta galdu duten, EHBaiko hautagaiek emaitzekin biziki pozik agertu dira. Euskal Irratietan egin lehen adierazpenetan horrelako emaitza bat eremu horretan “abertzaleen etiketarekin lortu izana iraultza” bati konparatu du Peio Etxeberri-Aintxartek. Ziburun, adibidez, EHBaik eskuinak baino boz gehiago lortu duela azpimarratu du Larrasak. Ziburuko hautetsia da Larrasa, oposizioan.
Isabelle Dubarbier-Gorostidi Ziburuko auzapezordea da eta Philippe Juzan Donibane Lohizuneko auzapez ordea.
Gogoratu daiteke, agian, lehen itzulian eskuineko bi zerrenda bazirela. Bata, garaileena, eta bestea, Jean-François Irigoien eta Anne-Marie Esteban. Hauek ez zuten UMPkoen sostengua. Baina, aldiz, bai Donibane Lohizuneko auzapeza den Peyuco duhart.
Sozialistek ere bazuten zerrenda ofizial bat Agerretxe eta Bergarak osatua. Baita beste bat, sozialisten baitako zerrenda disidente bat, Duguet-Olaizolaena. Lehenek zuten sozialisten sostengu ofiziala. Lehen itzulian %12,64a jaso zuen honek, bigarrenek %5,37a. Bi zerrendek EHBai zerrendaren aldeko sostengu ofiziala iragarri zuten bigarren itzuliko. Ezkerreko fronteak, bere aldetik, ez zuen deitu EHBai bozkatzera.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
