Albistea entzun

Mundua

700 etorkin galdu dira Mediterraneoan, Italiako kostatik gertu

Bart urperatu da etorkinen itsasontzia, Libiatik Italiara zihoazela; 28 lagun erreskatatu dituzte bizirik. Orain arte, 24 hilotz atera dituzte itsasotik. Aste honetan 10.000 lagunetik gora erreskatatu dituzte Italiako kostazainek. Urtearen hasieratik, ia 1.000 lagun baino gehiago bidean hil direla uste da.

Italiako kostazainek etorkinak erreskatatzeko lanetan ateratako argazkia./
Italiako kostazainek etorkinak erreskatatzeko lanetan ateratako argazkia./ GUARDIA DI FINANZA / HANDOUT

Ainhoa Oiartzabal -

2015eko apirilak 19 20:46

Afrikatik irten eta Europako kostara iritsi nahian gertatu den ezbehar larrienetakoa da. Aspaldiko migratzaile uholde handienari aurre egin behar izan dio Italiak aste honetan. Bost egunean, iragan larunbatetik asteazkenera, 10.000 lagunetik gora erreskatatu dituzte Italiako kostazainek. Urtea hasi denez gerotzik, ia 1.000 lagun baino gehiago bidean hil direla uste da, Iheslarientzako Nazio Batuen Goi Mandatariaren datuen arabera.

Italiako Lampedusako kostatik 200 kilometrora izan da ezbeharra. Matteo Renzi Italiako lehen ministroak esan du ezin dela zehaztu zenbat hildako izan diren, eta etorkinekin "dirua egiten duten mafiei" egotzi die ezbehararren ardura. Europako Batasunari erreferentzia eginez, afera honen aurrean Italia "bakarrik" uzten dutela deitoratu du. Horregatik eskatu du Europako goi bilera migranteen uholdeaz jarduteko. Bihar bertan Luxenburgon bilduko dira Europako atzerri ministroak.

Europako diplomazia arduradun Federica Mogherinik ere hitz egin du gaurko ezbeharraz: "Bada garaia EBk tragedia hauei hel diezaien behingoz".

Etenik gabeko tragedia

Joan den astelehenean, Libiatik irten ziren 550 etorkinetatik 400 galdu ziren itsasoan itsasontzia urperatu eta gero. Italiako kostazainek 114 lagun erreskatatu zituzten bizirik. Save The Children erakundeak esan zuen adingabeko asko zeudela desagertuen artean.

Iaz, 3.000 lagun baino gehiago galdu ziren Mediterraneoko uretan. Beste ia 200.000 lagunek erdietsi zuten Europara bizirik iristea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Errusiako bandera, Errusiako Behe Ganbera eraikinaren gainean, Moskun. ©YURI KOCHETKOV / EFE

Errusiako Behe Ganberak berretsi egin ditu Ukrainan okupatutako lurrak anexionatzeko itunak

Mikel O. Iribar

Kremlinek onartu du ez duela argi zein diren anexionatutako lurren mugak. Errusiera izango da hizkuntza ofiziala, eta errubloa dibisa nazionala, 2023tik aurrera. Zelenskik esan du Ukrainako armadak eremu gehiago «askatu» dituela herrialdearen ekialdean eta hegoaldean.

Lula, goizaldean, bere jarraitzaileen aurrean hitz egiten ©EFE

Lulak aurreikusi baino alde txikiagoa atera dio Bolsonarori lehen itzulian

Igor Susaeta

PT Langileen Alderdiko buruak botoen %48,4 lortu ditu, eta behin-behineko presidente ultrak, %43,2. Biak bigarren itzulian lehiatuko dira urriaren 30ean

Jordi Turull JxCko idazkari nagusia, gaur egin duen prentsaurrekoan. ©EFE

Turull: «Egoera konpontzea izan dugu helburu, baina ERCk esan digu ez dagoela ezer hitz egiteko»

Mikel Elkoroberezibar Beloki

ERC eta JxC ados jarri ez direnez, JxCko militanteen esku dago Generalitatearen etorkizuna. 'JxCk Kataluniako Gobernuan jarrai dezan nahi duzu?', galdetuko die buruzagitzak ostegunean eta ostiralean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...