Albistea entzun

Athletic

Hamaikakoaren gatibu

Athleticek 3-1 galdu du Vila-realen. Hamaikakoan bederatzi aldaketa egin ditu Ernesto Valverdek, eta zuri-gorriak osteguneko mailatik urrun egon dira.

Kike Sola, atzo, Vila-Realeko bi jokalarien artean.
Kike Sola, atzo, Vila-Realeko bi jokalarien artean. Domenech Castelló / EFE

Asier Garcia Uribarri -

2015eko irailak 21 12:44

Partida laua jokatu du Athleticek Madrigalen. Vila-realen aurka 3-1 galdu ostean, hamahirugarren dago sailkapenean. Adurizek sartu du Athleticen gol bakarra luzapenean. Asteazkenean Real Madril hartuko dute San Mamesen.

Golak: 1-0 Bruno, penaltiz, 43. minutuan; 2-0 Mario Gaspar, 66. minutuan; 3-0 Leo Baptistao, 80. minutuan; 3-1 Aduriz, 92. minutuan.

Bilbotarrek 11 urte zeramatzaten bertan irabazi gabe, eta heldu den denboraldian saiatu beharko dute berriro. Hamaikakoan aldaketa ugari egin ditu Ernesto Valverdek, Europako Ligako partida ostean hainbat jokalariri atsedena emateko eta asteazkenean partida zaila dutenaren jakitun.

Vila-realek ireki du markagailua lehenengo zatia bukatu aurretik. Leo Baptistaok bere burua bota du Athleticen area barruan, eta epaileak penaltia adierazi du. Atsedenaldiaren ostean, ezer ez da aldatu. Vila-realek ez du gauza handirik egin, baina markagailua alde eta partidak aurrera egin du. Bigarren zatia hasi eta gutxira, Gurpegiri modu nabarian heldu diote area barruan kornerra errematatzera zihoala. Kasu honetan epaileak ez du ezer adierazi.

Valverdek Aduriz eta Raul Garcia zelairatu ditu 61. minutuan, taldeari erasoan laguntzeko. Baina bost minutu beranduago Gasparrek egundoko gola sartu du area kanpotik. Bigarren golaren ostean, Athleticek presioa handitu du. Aduriz gola sartzeko zorian egon da jokaldi bikain baten ostean, baina Areolak ondo erantzun du. Jarraian, ordea, Vila-realek hirugarrena sartu du, eta partida bukatutzat eman dute bi taldeek. Luzapenean Adurizek zuri-gorrien gola sartu du.

Hiru lehiaketetan mantentzeko txandaketak egitea halabeharrezkoa izango du Valverdek. Hala ere, ordezkoek mailari eutsi ezean, Athletic ohiko hamaikakoaren gatibu egongo da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MANIX DIAZ DE RADA / REALA

«Futbolean, bizitzan bezala, ez gara linealak. Garai onak aprobetxatu egin behar dira»

Jon Ander De la Hoz

Realak «ondo eta konfiantzaz» abiatu du sasoiaren bigarren zatia, Mikel Oiartzabal jokalariaren ustez. Eibartarrak dio egindakoei ez zaiela erreparatu behar, eta lehia estua aurreikusi du ligan goialdean bukatzeko: «Partida denak dira garrantzitsuak».
Jokin Altuna, errematatzear, Danel Elezkano begira duela, atzo, Labriten. ©JAGOBA MANTEROLA / FOKU

Beste estutu bat eman diote

Julen Etxeberria

Altuna III.ak eta Martijak 22-13 irabazi diete Elezkano II.ari eta Zabaletari Iruñean, eta Peña II.ak eta Albisuk 22-14 hartu dituzte mendean Laso eta Imaz Markina-Xemeinen

Gaur jokatuko dute Osasunak, Realak, Athleticek eta Alavesek
Mendizale bat erreskateko helikopteroari begira, Belaguako aterpetxearen inguruan. ©JESUS DIGES / EFE

Mendia ez dago edonorentzat

Unai Ugartemendia

Urtea hasi zenetik bost mendizale hil dira Pirinioetan. Azken astean gehiago korapilatu da kontua, eguraldiak asko aldatu baitu elurraren egoera. Zuhurtzia eskatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.