Albistea entzun

urteurrena

GALek Monbar hoteleko atentatuan hildakoak omendu dituzte

Lau errefuxiatu hil zituen: Jose Mari Etxaniz Potros, Inaxio Asteasuinzarra Beltza, Agustin Irazustabarrena Legra eta Xabin Etxaide Eskumotza; Jean Iriarte zauritu egin zuten. Ostiralean bete ziren 30 urte eraso hartatik.

Monbar hotelaren atarian omendu dituzte erasoan hildakoak eta haien senideak.
Monbar hotelaren atarian omendu dituzte erasoan hildakoak eta haien senideak. / Bob Edme

Ainhoa Oiartzabal -

2015eko irailak 26 01:21

Monbar hoteleko kafetegira tiroz sartu ziren bi pertsonak sarraskia egin zuten 1985eko irailaren 25ean. Jose Mari Etxaniz Potros, Inaxio Asteasuinzarra Beltza, Agustin Irazustabarrena Legra eta Xabin Etxaide Eskumotza hil eta Jean Iriarte zauritu egin zuten. Tiroka egin zieten luze, hilik zeudela ziurtatzeko. GALen erasoa izan zen, hark eginiko atentaturik odoltsuena.

Lekukoek Pierre Frugoli eta Lucien Mattei erasotzaileak harrapatzea lortu zuten. Biak epaitu eta zigortu zituzten 1989an, Parisen. Frugoliri hogei urteko kartzela zigorra ezarri zioten, eta Matteiri, bizi osorako espetxealdia.

Txetx Etxeberri atentatuaren lekuko eta ondoko pertsekuzioaren protagonista izan zen. Paddy Woodworth kazetari irlandarrari kontatu eta honek Dirty War, Clean Hands liburuan jaso zuenez, "denbora" hartu zuten GALek kontratatutako bi kidek errefuxiatuak hiltzeko. "Epaiketan jakin nuen 50.000 libera ordaintzen zizkietela zauritu bakoitzeko eta 200.000 hildako bakoitzeko".

Atentatua izan eta berehala autoz iritsi zen beste errefuxiatu baten ibilgailura igo eta atzetik segitu zieten mertzenarioei. Santespirituko zubian gelditu zirela ikusi zuten, tren geltokira joateko. "Pistolak ateraz gero, harrapatu egingo genituen autoarekin. Baina ez zituzten atera, eta autotik atera eta banan-banan harrapatu genituen". 

Omenaldia Baionan

Atentatu haren 30. urteurrenenean eta Gudari Egunaren karietara, omenaldia egin dute Monbar ostatuaren atarian. "GALek eta errepresioak eragindako biktimak omentzeko eta Euskal Herrirako egia eta memoriak garrantzia dutelako" deitu dute ekitaldira, Egia bide, askatasuna amets lelopean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Juan Carlos lglesias Chouzas, Auzitegi Nazionalean, martxoan. ©Emilio Naranjo / EFE

Fiskaltzak ez du Juan Carlos Iglesias Chouzasen absoluzioaren aurka egingo

Iosu Alberdi

Atristainen kasuak ezarritako jurisprudentzian oinarrituta absolbitu zuen Auzitegi Nazionalak. Fiskaltzak ondorioztatu du ez dagoela akusazioari eusteko nahikoa froga.

Miren Larrion, artxiboko irudi batean. ©Endika Portillo / Foku

Hiru urteko espetxe zigorra ezarri diote Miren Larrioni

Berria

Ikusteko dago zigorra exekutatuko ote den, Larrionek hura lan komunitarioengatik ordezkatzeko aukera aipatu baitzuen, akordio bat egin ostean.

Mertxe Aizpurua, gaur goizean, Espainiako Kongresuan. ©J.J. Guillen / EFE

EH Bilduk Ikus-entzunezkoen Lege proiektuaren kutsu «ekonomizista» kritikatu du

Iosu Alberdi

Hamar zuzenketa aurkeztu ditu koalizioak, eta ostegunera bitarte lortu ditzaketen adostasunen arabera bozkatuko du osoko bilkuran.

Herritar bat bozkatzen, iragan apirilean, Frantziako presidentetzarako bozetan. ©GUILLAUME FAUVEAU

Diputatu izateko lehian 32 hautagai izanen dira Ipar Euskal Herrian

Oihana Teyseyre Koskarat

Lasserre eta Bru berriz aurkeztuko dira. EH Bai hiru hautesbarrutietan izanen da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...