Albistea entzun

Quirogaren dimisioa

Quiroga joanda, haren ordezkoa lehenbailehen izendatu nahi du PPk

PPko EAEko presidente izandakoa 19 urte zituela sartu zen alderdiaren gazte erakundean, eta 42 dituela eman du dimisioa buruzagitzatik. Askatasuna eta Bizikidetza lantaldea sortzeko mozioa "mila aldiz" aurkeztuko lukeela eta PPk "elkarbizitzaren abangoardia" izan behar duela esan du. Ostegunean egingo dute bilera Llanos, Alonso, Danborenea eta Senperrek.

Arantza Quiroga, EAEko PPren presidente kargua utzi duela jakinarazteko egin duen agerraldian, Donostian. /
Arantza Quiroga, EAEko PPren presidente kargua utzi duela jakinarazteko egin duen agerraldian, Donostian. / Andoni Ortuzar/@andoniortuzar

Hodei Iruretagoiena - Jon Olano -

2015eko urriak 14 07:19

Alfonso Alonso, Anton Danborenea eta Borja Senper Araba, Bizkai eta Gipuzkoako presidenteak ostegunean batzartuko dira Nerea Llanos PPko EAEko idazkari nagusiarekin, eta, Europa Press agentziaren arabera, ez da baztertzen bihar bertan Quiroga ordezkatzeko proposamenen bat adostea. PPko iturriek azpimarratu dute "lehenbailehen" topatu nahi dutela haren ordezkoa, alderdi barneko krisia ixteko.

"Ez ditugu etorkizuneko indarkerien haziak erein behar, bizikidetzarenak baizik", adierazi du Arantza Quiroga orain arteko EAEko PPko presidenteak. Bere lanaz harro agertu da Quiroga: "Mila aldiz aurkeztuko nuke Askatasuna eta Bizikidetza lantaldea sortzeko mozioa". Azken bi urteetan EAEko PPn trantsizioa egiten ahalegindu dela dio, "erresistentziatik eragina izatera" pasa behar zutela, baina aitortu du ez duela lortu. Mozioa lan horren "azken tanta" izan dela adierazi du. PP "terrorismoaren kontrako abangoardia" izan dela eta orain "bizikidetzarena" izan behar duela uste du.

Mozioa erretiratzeko orduan, Quirogak azaldu zuen ez zela horretarako unea, EH Bilduk haren garaipen gisa irudikatu zuelako. Gaurkoan, ordea, bestelako arrazoiak eman ditu. "Mozioa erretiratzeko eskatu zidaten; agerikoa da". "Egunkariren baten" tituluak ere aipatu ditu, EH Bildurekin akordioa egitea leporatu ziotela eta. Ez du atzera bota EH Bilduri buruz esandakoa, baina hala zehaztu du: "Ez da justua EH Bilduren jarrerari bakarrik egoztea hori gertatu izana".

Barkamena eskatu die alderdikideei, baita bere jarrera "ulertu ez duten biktimei" ere. Horrekin batera, alderdiari "ausardia" eskatu dio. "Gu gara ekarpen gehien egin dezakegunak etorkizuneko bizikidetzan". Bakea "betebehar" gisa hartu duela azaldu du, eta horretarako tresna zela mozioa. Lehenago edo geroago elkarrizketa beharko dela esan du: "Konbentzituta nago hori dela bidea, eta horrela egingo dela".

Eskerrak eman dizkie Quirogak alderdikideei berarekin izan duten jarreragatik, eta hogei urteotako ibilbidea goratu du. "Garrantzitsuena ez da ni banoala, baizik PPk jarraitzen duela". Bere kargua utzi badu ere, aurrerantzean ere alderdiko militante izango dela ziurtatu du.

Ibilbide luzea PPn

Arantza Quiroga Cia (Irun, Gipuzkoa, 1973) Zuzenbidean lizentziaduna da. Hemeretzi urterekin sartu zen PPko gazte erakundean, eta 21ekin heldu zen lehen kargu publikora; 1995ean izan zen, hauteskundeetan Irungo zinegotzi aukeratuta. 1998an aukeratu zuten lehen aldiz eusko legebiltzarkide, eta harrezkero bertan jardun du.

Patxi Lopez Eusko Jaurlaritzako lehendakari izateko akordioan, PPk eta PSEk adostu zuten Quiroga izatea legebiltzarreko presidente, eta zeregin horretan aritu zen 2009-2012 legealdian. Kargu horrek hauspotuta, Arantza Quirogak 2013ko maiatzean hartu zuen PPko Araba, Bizkai eta Gipuzkoako presidentetza, Antonio Basagoiti karguan ordezkatuz.

Katolikoa da, eta abortuaren eta antisorgailuak erabiltzearen aurka mintzatutakoa da Quiroga. Gai horien inguruko iritziak direla-eta, ideologikoki PPren ildo kontserbadoreenean kokatu izan dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miren Larrion, artxiboko irudi batean. ©Endika Portillo / Foku

Hiru urteko espetxe zigorra ezarri diote Miren Larrioni

Berria

Ikusteko dago zigorra exekutatuko ote den, Larrionek hura lan komunitarioengatik ordezkatzeko aukera aipatu baitzuen, akordio bat egin ostean.

Juan Carlos lglesias Chouzas, Auzitegi Nazionalean, martxoan. ©Emilio Naranjo / EFE

Fiskaltzak ez du Juan Carlos Iglesias Chouzasen absoluzioaren aurka egingo

Iosu Alberdi

Atristainen kasuak ezarritako jurisprudentzian oinarrituta absolbitu zuen Auzitegi Nazionalak. Fiskaltzak ondorioztatu du ez dagoela akusazioari eusteko nahikoa froga.

Mertxe Aizpurua, gaur goizean, Espainiako Kongresuan. ©J.J. Guillen / EFE

EH Bilduk Ikus-entzunezkoen Lege proiektuaren kutsu «ekonomizista» kritikatu du

Iosu Alberdi

Hamar zuzenketa aurkeztu ditu koalizioak, eta ostegunera bitarte lortu ditzaketen adostasunen arabera bozkatuko du osoko bilkuran.

Herritar bat bozkatzen, iragan apirilean, Frantziako presidentetzarako bozetan. ©GUILLAUME FAUVEAU

Diputatu izateko lehian 32 hautagai izanen dira Ipar Euskal Herrian

Oihana Teyseyre Koskarat

Lasserre eta Bru berriz aurkeztuko dira. EH Bai hiru hautesbarrutietan izanen da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...