Albistea entzun

erabakitzeko eskubidea

Ekainaren 19an galdeketa Goierrin, prozesu parte hartzaile baten ostean

Sinadurak biltzen eta lantaldeak osatzen hasiko dira, erabakitzeko eskubidea praktikan jartzeko.

Hodei Iruretagoiena -

2015eko azaroak 28 13:25

Mahai gainean dago erronka: ekainaren 19an egingo dute herri galdeketa Gipuzkoako Goierriko 22 herrietan. Atzo aurkeztu zuten prozesua, Lazkaoko Areria zineman, aretoa herritarrez beteta zegoela. Haien bultzada beharko dute Gure Esku Dago-koek, Larraitz Zubeldia dinamikako kideak gogora ekarri zuenez, hori baita prozesuaren arrakastaren bermeetako bat: parte hartzailea izatea. «Irudikatuz» hasten dira bide guztiak, Angel Oiarbide bozeramaileak nabarmendu zuenez: «Irudika dezagun egun pozgarri bat, egun alai bat. Irudika dezagun handi egingo gaituen prozesu bat, ahaldunduko gaituen prozesu bat». Hala hasi ziren Nazioen Munduarekin, eta irudikatzen ez ezik, ariketa praktikorako zehaztasunak lantzen ere hasiak dira Goierrin.

Aurten denen artean jositako oihalek eman zioten kolorea atzo Areria zinemari. Oholtzan, hautetsontzi bat. Eta aulkietan, adin ugaritako herritarrak. Badute zer egina. Otsailera bitarte, sinadura bilketa bati ekingo diote aurrena, erabakitzeko herritarren borondatea «biltzeko». Atzo eskualde mailan egin bezala, herriz herri ere egingo dituzte aurkezpenak. Giroa berotzera begira, hainbat ekintza antolatuko dituzte eskualde osoan, eta proposatutako lantaldeak jendez osatzen hasi nahi dute horretarako.

Denentzako lekua egongo da lantaldeetan. Hala antolatu dituzte: komunikazioa, diruzaintza, galdera adosteko taldea, ekintzak antolatzekoa, harremanak garatzekoa, herriak koordinatzekoa, datu baseak bermatzekoa eta galdeketarako eguna bera antolatzekoa. Laguntza juridikoa ere izango dute —Gure Esku Dago-k landutako protokoloa—, baita Aitziber Blancoren aholkularitza ere. Otsailetik aurrera hasiko dute «adosteko» fasea: herriz herri bilduko dituzte galderarako proposamenak, eta batzorde batean erabakiko dute zein izango den bozetara jartzeko esaldia.

Apirilaren erdialdera aurkeztuko dute adostutako galdera, urteurren bat baliatuta. Hil horren 16an eta 18an beteko dira 85 urte, hurrenez hurren, Aramako eta Itsasondoko udalek autodeterminazioaren aldeko mozio bana onartu zutenetik. 1931n izan zen hori, eta 2016an mugarri berri bat utzi nahi dute goierritarrek. Gure Esku Dago-k Adierazpen Egunera deitu du Euskal Herri osoan ekainaren 12rako, eta haren ondorengo igandean izango da galdeketa. «Euskal Herria begira» izango dutela nabarmendu zuen Oiarbidek: «Ondorengoei zer utzi ere jokoan dago».

«Gardena eta zabala»

Herritarrak protagonista bihurtzea du helburu galdeketa prozesuak, elkargune izatea, ahalduntzeko tresna. Baita Euskal Herrirako eredu bat ezartzea ere. Arrankuadiagan (Bizkaia) eta Etxarri Aranatzen (Nafarroa) egin dira orain artekoak, baina eskualde mailan egitea bada jauzi bat. 70.000 herritarrek izango dute parte hartzeko aukera, eta prozesuaren emaitza zilegi izateko baldintzak ere nabarmendu zituzten atzoko ekitaldian: gizarte ekimenez egitea eta «gardena eta zabala» izatea. Galdeketen garrantzia nabarmendu zuen Zelai Nikolasek. Berme osoz egin behar dela, besteak beste, «parte hartzaileen lasaitasunerako».

Gazta zati bat munduan barrena eramanez hasi zuten bidea Goierrin, eta Dimarekin eta Ispasterrekin (Bizkaia) batera, bide berri bat irekiko diote erabakitzeko eskubideari 2016an.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal herritarrek 154 gailur piztuko dituzte Pirinioetako Bidean

Euskal herritarrek 154 gailur piztuko dituzte Pirinioetako Bidean

Jon O. Urain

Pirinioetako hirurehun gailur baino gehiago argiztatuko dituzte bihar, Euskal Herriaren eta Kataluniaren burujabetzaren alde. Zuzeneko saio bat ere prestatu dute, eta Berria.eus-en ikusgai egongo da: 21:00etatik 22:30era izango da.

Juana Balmaseda batzordeburua, atzo, Eusko Legebiltzarrean, txostena aurkezten. ©Jaizki Fontaneda / Foku

Egiari Zor fundazioak «txalotu» egin du Poliziaren 46 biktima aitortu izana

Berria

Poliziaren Biktimen Balorazio Batzordearen «profesionaltasuna» goratu du, eta prozesuan «konfiantza» sortzeaz mintzatu da.

 ©Aritz Loiola / Foku

«Herri gogoa berpizteko ekimen bat izango da»

Iosu Alberdi

Gure Esku-k eta Kataluniako zenbait eragilek Pirinioetako 400 tontor argiztatuko dituzte larunbatean. Europari mezu bat bidali nahi diote: «Erabaki nahi dugun bi herri gara». 

Ertzain bat herenegun, Legutioko Zentro Sozialista hustu zutenean. ©David Aguilar / EFE

Karguekin aske utzi dituzte Legutioko Zentro Sozialista hustean atxilotutako bi gazteak

Berria

Ertzaintzak desordena publikoak eta erresistentzia larria egotzi dizkie atxilotuei.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...