Albistea entzun

Memoria historikoa

Nafarroako memoria historikoaren azterketan 11.000 erreferentziatik gora bildu dituzte

Datu base batean bildu dituzte datuak, baina kopurua igo egingo dela aurreratu dute, azterketa amaitu gabe baitago.

Eskeine Legorburu -

2016ko urtarrilak 15

Bizilekua oinarri hartuta aztertu du lurraldeko memoria historikoa Nafarroako Unibertsitate Publikoko ikerketa taldeak. Jasotako datuak datu base batean jaso ditu, sarean. Guztira 11.300 erreferentzia bildu dituztela adierazi du gaur Nafarroako Parlamentuan Emilio Majuelo irakasle eta ikerketa taldeko kideak. Baina datua handitu egingo dela aurreratu du, oraindik 80.000 dokumentutik gora baitituzte aztertzeko. Horiei, frankismo garaiko azterketatik jasotakoak gehitu beharko zaizkie, oraindik ez baitira hasi garai hori aztertzen.

Jasoak dituzten erreferentziei gehitzeko beste 2.800 kasu dituzte. Gaiari buruzko hainbat lan monografiko argitaratu zain daude kasu horiek ere aztertu eta datu basera eransteko. Horrez gain, genero indarkeriarekin lotutako beste 500 izen ere badituzte, emakume espetxeetan jasotako dokumentuetatik ateratakoak.

Majuelok azaldu duenez, "lan metodologiko oso zehatza" ari dira egiten, eta 2011n Nafarroako Parlamentuarekin hitzartutako lana osatu ezinda dabiltza. "Orain arte beste inon egin diren azterketetan baino zehaztasun gehiagorekin ari gara jasotzen datuak", zehaztu du irakasleak. Horri lau urte hauetan parlamentuak lantaldeari eskatu dizkion bestelako txostenak egiteko behar izan duten debora gehitu behar zaiola esan du Majuelok atzerapena azaltzeko. Horregatik, Nafarroako Parlementuari eskari zuzena egin diote gaur ikerketa taldeko kideek: datozen lau urteetan gaiari lotutako inbertsioak handitzea, lana guztiz bukatu ahal izateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Matalaz espazioa. / ©Iñigo Uriz, Foku

Matalaz, «umil eta pragmatiko»

Edurne Elizondo - Nafarroako HItza

Iruñeko Alde Zaharreko gazte mugimenduak autogestioa oinarri duen proiektu berri bat abiatu du, Jarauta karrikako 75.ean. Maravillas gaztetxearen husteak utzitako «ajea» gainditu, eta hutsetik hasi dute bidea.

Kulturarteko Plaza Feminista, Hernanin. / ©Jon Urbe, Foku

Babespean ahaldundu ahal izateko gune berriak

Maria Ortega Zubiate - Gipuzkoako Hitza

Emakumeen etxeek emakumeentzako «babesgune bat» aldarrikatzen dute; elkarrekin «saretu» ahal izateko eremu bat izatea nahi dute. Hernanin, Elgoibarren eta Zumaian ireki berri dituzte, beren antz eta desberdintasunekin.

Formatu txikian egin duten arren, lehengoen antzerako irudi bat edo beste utzi du 2021eko Nafarroa Oinezek. ©Jagoba Manterola / Foku

Amaitu da Lizarrako Nafarroa Oinez

Paulo Ostolaza

Bi egunetan egin dute jaia, Lizarrako Ikastolak antolatuta. Eguraldiak lagundu ez badu ere, arazorik gabe bete dute egitaraua. Datorren urtean Tafallako Garces de los Fayos Ikastolak antolatuko du.

Martin Villa, iazko irailaren 3an Servini epailaren aurrean deklaratu ostean, auto barruan. ©JUANJO MARTIN / EFE

Martin Villa, Servinik auzipetua

Arantxa Iraola

Auto batean auzipetu du 1976ko Gasteizko hilketengatik eta German Rodriguezenarengatik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna