Albistea entzun

euskal presoak

Jose Angel Altzuguren euskal presoa hilda aurkitu dute Soriako espetxean

Duela hamar egun preso hartu zuten Jose Angel Altzuguren euskal presoa hilda aurkitu dute gaur, Soriako (Espainia) espetxeko bere ziegan. Espainiako Espetxe Zuzendaritzak jakinarazi duenez urkatuta azaldu da 39 urteko preso beratarra. Espetxe berean, 71 urteko preso sozial bat ere urkatuta azaldu da gaur goizean. Askatasunak gogor salatu du heriotza, eta "erantzune zuzenak sakabanaketa politika indarrean mantentzen dutenak" direla diote. Datozen orduetan egingo diren mobilizazioetan parte hartzeko dei egin dute. Biharko, elkarretaratze deialdia egin du Askatasunak, 13:00etan Iruñan PSNren egoitzaren aurrean.
Berria

Berria -

2005eko urriak 31
Espainiako Espetxe Zuzendaritzak azaldu du goizeko zortzietako kontaketa egin dutenean topatu dutela Altzuguren, bere ziegan, maindire batzuekin, kalefakzioaren hodietatik bere burua urkatuta. 22an atxilotu zutenean Iru˝ako espetxera eraman zuten, eta ostiralean eraman zuten Soriara. Askatasunak jakinarazi duenez, Altzungurenek "depresio sakon" bat zuen, eta atxilotu aurretik jada medikuekin zebilen eta tratamenduan zegoen. Atxilotu zuten poliziei horrela kontatu ziela eta berehala Iru˝eko espetxetik ospitalera eraman zutela dio Askatasunak, eta han tratamendu berezi bat jarri ziotela. Tratamendu eta txosten mediku horrekin eraman zuten Iru˝eko espetxera eta tratamendu eta txosten mediku berarekin iritsi zen Soriara, Askatasunak azaldu duenez. Sorian, ordea ATS batek ikusi zuen, Askatasunak salatu duenez, eta ez mediku batek. Gainera, ATSak medikazioa aldatu egin ziola salatu dute, hori guztia espetxeko zuzendariak esan duela. Askatasunak "gogor" salatu du Altzugurenen heriotza. Sakabanaketa politikaren helburua "presoak fisikoki eta psikologikoki suntsitzea" dela esan dute, eta "indarrean mantentzen duten bitartean" ez direla honelako gertaerak amaituko iragarri dute. Horregatik, heriotzaren "erantzule zuzenak espetxe politika indarrean mantentzen dutenak" direla diote. Berako udalak batzarra egingo du 20:00etan Berako Herriko Etxean. Hilaren 22an atxilotu zuten Altzuguren, Imanol Larra˝aga eta Ainara Fresnedarekin batera. Hirurei epaiketa egina zieten, eta zigorra betetzeko atxilotu zituzten. Altzugurenek bost urteko zigorra jaso zuen urtarrilean, eta jada hiru urte eta erdi beteak zituen. Guardia Zibilak 2001ean atxilotu zituen hirurak, Nafarroan eta Gipuzkoan egindako operazio batean. Martxoaren 23tik 27ra iraun zuen operazioak, eta zazpi lagun atxilotu zituzten, ETAko kide izatea egotzita. Altzungurenek tortura gogorrak egin zizkiotela salatu zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.