Albistea entzun

Euskal Herria Zuzenean

Fermin Muguruza, Kadavar eta Belako EHZ Festibalean

Uztailaren 1, 2 eta 3an izanen da aurtengo EHZ Festibala. Sorgin zelaian, gurea asma lelopean, burujabetza izanen dute ardatz ondoko urteetan.

Festibalaren aurtengo edizioaren aurkezpena.
Festibalaren aurtengo edizioaren aurkezpena. / Bob Edme

Ekhi Erremundegi Beloki -

2016ko otsailak 12 13:15

2016ko edizioaren prestaketak abiatu ditu EHZ Festibalak. Iazkoa “ekonomikoki eta moralki” arrakasta bat izan zela diote, eta, beraz, aitzina segitzeko “erabaki kolektiboa” hartu dutela. “Proposamen artistiko eta kulturala berrikusiz eta diziplinen arteko gurutzaketa indartuz iaz hartu genuen bihurgunearen ondotik, ildo beretik segitzeko xedea dugu aurten ere, gure proiektua sendotuz” adierazi du Pauline Guelle, elkarteko bozeramaileak. Deskubritzea, konferentziak, kontzertuak eta ikusgarrien gurutzaketa izanen ditu ardatz aurtengo festibalak.

Programazioaren lehen aleak ere iragarri dituzte. Fermin Muguruzak, bere proiektu berria aurkeztuko du New Orleanseko doinuak Lekornera eramanez. Rock stoner estiloan ari den Alemaniako Kadavar taldeak ere Garroako taula gaina zapalduko du, eta azkenik, Mungiako Belako taldeak Hamen lan berria aurkeztuko du. Ikusgarri andana ere izanen da urtero bezala, horien artean King Size akrobazia, eta Christophe Paviaren orrazkera tailerra -7 minutuan pertsona bat itxuraldatzea hitz ematen du-. Eztabaida gunean Bretainiako Notre-Dame-des-Landes herriko aireportuaren kontra borrokatzen den ZAD gune autogestionatuko kideek hartuko dute hitza. EHZko kide batzuk beraiekin egon ziren ZADean, orain haiek datoz Euskal Herrira, eta EHZkoekin batera bertako eragileak ezagutzeko bira bat eginen dute. Txikienentzako aktibitate andana ere izanen da hiru egunetan. Horietako batzuentzat izena eman beharko denez, laster argitaratuko dute informazio guzia webgunean.

Burujabetzaren bidean

XX. urtearen koxka gainditurik, burujabetza izanen da ondoko urteetako festibalaren ardatz. Antolatzaileek esplikatu dute bi zentzutan ulertzen dutela burujabetzaren ideia: Zapalkuntzarik gabeko Euskal Herri aske baten aldeko lana eta askapen soziala. “Festibalan sorkuntza leku baten, gogoeta leku baten, eta ekintza sozialerako gune baten plantan ematean oinarritzen da gure engaiamendua. Elikadura burujabetza, autodefentsa feminista, gogoetarako gomita, kultur sorkuntza, No Logo desmartxa, artista engaiatuak, laguntzailegoa; horiek dira kolektibo burujabe egiten gaituzten elementuetako batzuk” azaldu du Jon Irazabal EHZko kideak.

Sorgin zelaian, gurea asma lemak irudikatuko du burujabetzaren ideian egin duten hautua. Guellek esplikatu du lemari eman dioten zentzua: “Sorgin zelaia, hiru egunez gureganatzen dugun Garroko eremua da. Sorginak aldiz, guhaur; askatasun gosez gauden genero gabeko sorgin zapalduak”. Eremu hori esperimentazio gune bilakatu dute azken urteetan; bertan “asmatzen” segitzeko xedearekin jarraitzen dutela azpimarratu du.

Prezio apalagoak aurten

XXI. edizioarentzat prezio politika egokitzea erabaki du EHZk, “bere baloreekin bat eginez”; prezio guziak apaldu ditu. Programazio osoa iritsi bitartean 45€an eskuratzen ahalko da hiru egunetako sarrera, aurresalmentan 50€an eta lekuan berean 60€an. Eskaintza berezia ere izanen da gaurtik aitzina, lehen 100 lekuak 40€ eskainiko dituztelako. “Eskainntza kultural eta artistikoa ahal bezainbat jenderi zabaltzea da helburua” Irazabalen arabera. Igandeko egunaren sarrera ere merkeago izanen da aurten: 10€an izanen da aurresalmentan eta 12€ lekuan berean.

Hurrengo bi hitzordu ere aurkeztu dituzte gaurko agerraldian. Martxoaren 18an JP Lohian & Klonen Klana eta Petra taldeak arituko dira Atabalen, eta Martxoaren 23an Hegalaldia kontzertu atipikoen bigarren alea izanen da Sarako Ihartze Artea etxean; Micah P. Hinson estatu batuarra etaa Anari arituko dira. Biak ala biak, EHZk eta Atabalek elkarlanean antolatu dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Annie Ernaux. / ©Nobel Sariak, @NobelPrize

Annie Ernauxek irabazi du Literaturako Nobel saria

Iñigo Astiz

Stokholmen eman du sarituaren berri Suediako Akademiak, eta literatura fikzioaz harago zabaltzeko egindako lana laudatu dio idazleari. Iaz Abdulrazak Gurnah eleberrigileak irabazi zuen saria.

'Denboraz', Txakur Gorria proiektuaren azken lana

Unean uneko argazkiei beste arnasaldi bat

Ainhoa Sarasola

Denboraz, galde-erantzunen bilduma liburua eman du Txakur Gorriak. BERRIAn idatzitako zutabeen txatalak testu eta ilustrazio berriekin josiz, denboraren joanaz gogoeta egin dute. Txakur Gorriaren webgunean, BERRIAren online dendan eta Durangoko 57.  Azokan egongo da eskuragarri.

Aingeru Epaltza, 'Erretzaile damutuen konpainia' liburua eskuan duela, gaur goizean, Donostian. ©Maialen Andres / Foku

Aingeru Epaltzaren 'Erretzaile damutuen konpainia': kolore askotako nobela beltza

Andoni Imaz

Aingeru Epaltzak Edu Saragueta pertsonaia «berpiztu» du 'Erretzaile damutuen konpainia' nobelan, 'Rock'n'roll' idatzi eta 22 urtera. Haren bidez begiratu dio «Iruñea multietnikoari».

Nafarroako Orkestra Sinfonikoak Luis de Pabloren —argazkian, erdian— eta beste hainbat konpositoreren lanak interpretatuko ditu gaur. ©BERRIA

1972ko Iruñea harritu zuten doinuak akordura

Uxue Rey Gorraiz

Gaur hasiko dira 72-22 Topaketak Iruñean. Urriaren 18ra bitarte, eta orain dela 50 urtekoak gogoan, askotariko jarduerek eta emanaldiek artez jantziko dute hiria. Musika berebizikoa da gaur: Teresa Catalanen eta Tomas Marcoren solasaldi bat aurrena, eta Nafarroako Orkestra Sinfonikoaren kontzertua ondotik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.