Albistea entzun

Hizkuntza aniztasuna

Kultur edukiontziak, portuz portu

Donostia 2016ren Tosta enbaxada Ozeano Atlantikoan barrena abiatuko da bi egun barru, eta portuz portu geldialdiak egingo ditu irailera bitartean. Lau edukiontziz osatuta dago enbaxada, eta helmuga bakoitzean haiek zabaldu eta jaialdi bat egingo dute. "Kultur aniztasuna eta hizkuntza gutxituak sustatzea" ditu helburu egitasmoak.

Gaur goizean aurkeztu dute Tosta enbaxada, Pasaiako portuan.
Gaur goizean aurkeztu dute Tosta enbaxada, Pasaiako portuan. Andoni Canelada / Argazki Press

Ihintza Elustondo -

2016ko apirilak 20

Donostia 2016k bere arrastoa Europan barrena zabaltzeko hiru enbaxada ibiltari sortu ditu. Lehenengoa urtarrilean abiatu zen autobusa izan zen —Europa Transit—, eta bigarrena da Tosta. Pablo Berastegi Donostia 2016ren zuzendari orokorraren arabera, "kultur aniztasuna eta hizkuntza gutxituak sustatzea" dira bigarren egitasmo horren helburuak. Horregatik, hizkuntza gutxituak dituzten lurraldeetara bidaiatuko du enbaxadak: Irlanda, Kornualles, Gales, Eskozia, Frisia, Galizia eta Euskal Herria bisitatuko ditu. Bideoa: enbaxada ibiltariaren aurkezpena (Argazki Press).

Zazpi komunitate horiek, azken asteotan, erresidentzia artistiko bana antolatu dute beste komunitate bateko sortzaile batentzat. Sei aste igaroko dituzte artistek egokitutako komunitatean murgilduta, eta artelan bana sortuko dute hizkuntza eta kultura gutxituak ardatz hartuta. Bidaia hasi aurretik martxan jarria zen, beraz, Tostaren lehen fasea.

Bigarren fasea da orain garatuko dena: kultur edukiontziak kamioiz nahiz itsasontziz garraiatuko dituzte komunitate parte hartzaileetara. Edukiontzi horiek zabaltzean, jaialdi bat egingo da geldialdi bakoitzean —edukiontzi multzoak jaialdien egitura osatzen du—. Jaialdi horietan, erresidentzietako artelanak erakutsiko dituzte, eta zuzeneko musika emanaldiak egingo dituzte — besteak beste, Oreka TX jaialdi guztietan ariko da—. Horrez gain, askotariko jendeari zuzendutako jarduera parte hartzaileak egingo dituzte. Errenteriako (Gipuzkoa) Atlantikaldiarekin bat egingo du Tostaren azken geldialdiak: irailaren 22tik 25era bitartean izango da azken jaialdia.

Bost hilabete iraungo duen bidaiaren ostean, nazioarteko proiektuetan erabilgarria izango den gida bat kaleratuko dute. Tokiko hizkuntzak erabiltzeko irizpide batzuk zehaztu dituzte enbaxada abiatu aurretik, eta proiektua garatzen doan heinean, irizpide horien inguruan izandako esperientziak bilduko dituzte. Aurrerantzean nazioartean hizkuntza gutxituei beren lekua eman nahi dieten ororentzat eskuragarri jarriko dute argitalpena, 2016.urtea amaitu baino lehen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ezker-eskuin, Oriol Roch, Robert Treviño eta Bingen Zupiria, atzo, Euskadiko Orkestrak Donostian duen egoitza nagusian. ©JON URBE / FOKU

Artea, gizakia eraldatzeko tresna

Miren Mujika Telleria

«Sona handiko» zuzendariak izango dira Euskadiko Orkestraren 2023-2024ko denboraldian. Denera, 50 kontzertu emango ditu Euskal Herrian. 2024ko otsailean, kontzertu bira bat egingo dute Austrian
Uxue Razkin Ereineko editorea eta Jon Alonso idazle, itzultzaile eta liburuko hitzaurrearen autorea. ©MAIALEN ANDRES / FOKU

'Hamabost egun Urgainen' nobela beltza argitaratu dute berriro

Iraia Vieira Gil

Gaur egungo irakurleek uler dezaten kaleratu dute Jose Antonio Loidiren lanaren bertsio berria. Jon Alonsok idatzi du hitzaurrea

Getxoko hiru espaziotan daude ikusgai erakusketak. ©OSKAR MATXIN EDESA / FOKU

Getxophoto jaialdiak etena aldarrikatuko du, gaurtik hilaren 25era bitartean

Erredakzioa

Hainbat herrialdetako 22 sortzailek beren lanak erakutsiko dituzte beste horrenbeste erakusketatan. Aire zabalean ikusi ahalko dira gehienak
Eztena jaialdiaren antolatzaile taldeko zenbait kide, gaur, Donostian. ©Maialen Andres / Foku

Eztena antzerki jaialdia kaletartuta eta gaztetuta dator

Andoni Imaz

Ekainaren 9an, 10ean eta 11n egingo dute Eztena antzerki jaialdia, Errenterian. Kalea kontzeptuaren inguruan osatu dute egitaraua.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.