Noiz sortua: 2016-05-03 13:47:34

KOMUNIKAZIOA

EITBk ostegunean itzaliko du ETBren seinalea Nafarroan

Espainiako Industria Ministerioaren agindua betetzera behartuta dagoela argudiatu du komunikabide publikoaren zuzendaritzak. Ioar, Erreniega eta Ezkabako hedagailuak itzaliko ditu. Hala eginda, ez digitalean, ez analogikoan; ia Nafarroa osoan ez da aukerarik egongo Euskal Telebista ikusteko.

Erreniega mendiko antenak zabaltzen du ETBko kateen seinale digitala Iruñerrirako.
Erreniega mendiko antenak zabaltzen du ETBko kateen seinale digitala Iruñerrirako. Iñigo Uriz / Argazki Press

Berria -

2016ko maiatzak 3

Duela bi aste agindu zion Espainiako Gobernuak Euskal Irrati Telebistari "berehala" eteteko Nafarroako emisioa, UPNren gobernu garaian aurkeztutako helegite bati jarraituz. Hala egin ezean "ekipoen eta instalazioen zigilatzea" agindu du Madrilek, eta, agindua betez, ostegunetik aurrera ezingo da ikusi ETB ia Nafarroa osoan.

EiTBren zuzendaritzak adierazi du Nafarroako gizartearen eskariei erantzun diela orain arte: "Ministerioak hartutako erabaki horrek esparru erradioelektrikoaren okupazio baketsuaren oinarria hautsi du, hogei urte baino gehiagoren ostean, eta ETBk Nafarroan emititzeko hartutako erabakiak gidatu eta gero".

Era berean, Euskal Irrati Telebistak penagarritzat jo du "ministerioaren agindu horrek hiritar nafarrak kaltetuko dituela, ez baitituzte ETBren kanalak jasoko eta horrek oinarrizko eskubideen esparruan ere izango du eragina". Halaber, harridura adierazi du "soilik EiTBri egin zaiolako agindua, antzerako egoerak daudenean bai Nafarroan baita beste Autonomia Erkidegoetan ere, erakunde publikoen eta enpresa pribatuen partetik".

"Behin betiko konponbidea" bilatzeko, EiTBk adierazi du prest dagoela Nafarroako Gobernuarekin "estu" lan egiteko. Ministerioaren aginduaren berri izatean, Barkosen gobernuak adierazi zuen ez zekiela deus: salaketa kendu, eta etena gelditzeko eskatu zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna