Albistea entzun

HEZKUNTZA

"Ikasteko ingurune birtualak behar ditugu, ikaslearen lanean oinarritutakoak"

Internet bidezko unibertsitate ikasketei buruzko jardunaldia egin du UEU Udako Euskal Unibertsitateak Donostian, Koldo Mitxelena kulturunean, Euskarazko 'on line' eskaintza unibertsitatean: egoera eta erronkak izenburuarekin.

Donostiako Koldo Mitxelena kulturunean egin dituzte jardunaldiak.
Donostiako Koldo Mitxelena kulturunean egin dituzte jardunaldiak. Jon Urbe / Argazki Press

Berria -

2016ko ekainak 10 12:19

Batetik, erakundeen ikuspegia jaso dute: Eusko Jaurlaritzatik Javier Alonso izan da hizlari, Gipuzkoako Diputazioaren izenean Gotzon Egia eta Euskaltzainditik Erramun Osa; bestetik, unibertsitateena: EHUko, NUPeko, Deustuko eta Mondragoneko ordezkariak aritu dira. Horren ondoren, UOC Kataluniako Unibertsitate Irekiko errektoreorde Carles Sigalesek eman du hitzaldia, unibertsitate horrek Kataluniako gizartean izandako eraginari buruz.

UEUren izenean, Iratxe Esnaolak galdetu du zein puntutarainoko beharra dagoen gradua ere norbere erritmo eta neurrira eskaintzeko: "UEUk aspalditik garatu du online eredua, beste unibertsitateekin elkarlanean".

Alonsok adierazi du inbertsio handia egin behar dela eta horrek jarri duela galga: "UOC bat sortzea ez dakit beharrezkoa den. Agian bai, baina beste eredu batekin, baina zeozer behar da". Adierazi du Eusko Jaurlaritzak "estrategikotzat" hartzen duela euskarazko online eskaintza, eta gogorarazi azken urteetan EHU, Mondragon eta Deustok ahaleginak egin dituztela online presentzia gero eta handiagoa izateko.

EHUko Urtza Garaik iragarri du EHUn eskaintza zabaltzea dela helburua eta ahal den heinean euskaraz izatea hori: 2016-2017rako gehiago izango dira. Deustuko Unibertsitatearen izenean, Alex Rayonek azaldu du "erronkarik garrantzitsuena eta zailena online eredu on bat garatzea" zaiela: "Aldaketa asko egin behar dira gure irakasleen ohituretan". On line eskaintzaren garrantzia azpimarratu du Mondragon Unibertsitateko Edurne Galindezek: "Gaur egun aurrez aurreko unibertsitatea, on line eskaintzarik gabe, larri". Gainera, azaldu du Mondragon Unibertsitatean on line eskaintzan abandono tasak oso baxuak direla.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Osakidetzako langileen greba, Bilbon. ©Marisol Ramirez / FOKU

Osakidetzaren jarrera «immobilista» salatu dute sindikatuek

Oihane Puertas Ramirez

SATSE, ELA, LAB, CCOO, UGT eta ESK sindikatuek deituta, greba egin dute Osakidetzako langileek Arreta Espezializatuan eta Osasun Mentaleko Sare osoan. Sindikatuen arabera, Osakidetzak ez du aldarrikapenei erantzuteko borondaterik, eta negoziatzeari uko egiten dio.

Ikusgunek gaur goizean egindako agerraldia. ©RAUL BOGAJO/FOKU

Lau urtean hirukoiztu egin dira Ikusgunen salatu diren gertakari LGTBIfobikoak

Jone Arruabarrena

Eraso transfoboen eta gorroto diskurtsoen gorakadaz ohartarazi du behatokiak LGTBIfobiaren Aurkako Nazioarteko Egunaren bezperan

Frankistek Donostiako Polloe hilerrian eraikitako mausoleoa. ©Beñat Parra / Iruxuloko Hitza

Donostiako mausoleo frankistan antifaxisten gorpuak daudela ondorioztatu du Aranzadik

Edu Lartzanguren

Zientzia erakundearen arabera, «gutxienez» hamazazpi miliziano daude han hobiraturik. 'Jainkoaren eta Espainiarengatik' eroritakoen aldeko plaka dago panteoian, eta Espainiako militarrak eta guardia zibilak ekitaldiak egin izan dituzte han.

Irene Montero, Espainiako Berdintasun ministroa, artxiboko irudi batean. ©Juan Carlos Hidalgo / EFE

Hileko mingarriaren ondoriozko gaixo baimena jasoko du Espainiako abortuaren legeak

Ion Orzaiz

Irene Montero Berdintasun ministroak azaldu du, hala ere, Ogasun Ministerioak ez duela baimendu tanpoi eta konpresei BEZa murriztea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.