Albistea entzun

ALTZAIRUGINTZA

Sestaoko ACBri bost urtez eusteko plana aurkeztuko du Arcelorrek

Hurrengo bost urteotarako plan industrialaren berri emango dio aurki Eusko Jaurlaritzari. Multinazionalaren "urratsa" baloratu du Tapiak, eta ezinbestekotzat jo du etorkizuneko lan ildoa finkatzeko.

Arcelor Mittalen Sestaoko eta Zumarragako langileak, joan den astean, Barakaldoko BECen.
Arcelor Mittalen Sestaoko eta Zumarragako langileak, joan den astean, Barakaldoko BECen. LUIS TEJIDO / EFE

Oihan Vitoria -

2016ko ekainak 10

Men edo izkin egitea. Eusko Jaurlaritzaren mehatxuaren ostean, beste biderik ez zuen Arcelor Mittalek, eta hasi da emango dituen hurrengo pausoak zehazten. Planari moldaketaren bat egiteko "aukera guztiak" baztertu eta hiru egun eskasera, diskurtsoa aldatu du altzairuaren munduko liderrak: datozen bost urteotarako plan industrialaren inguruko informazioa emateari ekingo dio aurki. "Konpromiso" hori hartu du multinazionalak gaur Eusko Jaurlaritzako Garapen Ekonomiko eta Lehiakortasunerako sailburu Arantza Tapiarekin eginiko bilera luzean. Ez da gutxiagorako: Sestaoko ACB lantegiari gutxienez 2020ra arte eusteko bermerik ezean diru laguntzak emateari utziko diola ohartarazi dio Tapiak asteon.

Ziurtasunik eza eta merkatuaren egoera zaila aipatuta, Arcelor Mittalek berretsi du proposatutako azken plana dela gaur-gaurkoz bideragarriena. Merkatuaren egoerak hobera egingo balu, ordea, ekoizpena handitzeko alternatibak aztertzeko prest agertu da, betiere egungo baldintzak aldatzen badira. Multinazionalaren "urratsa" baloratu du Tapiak, eta "premiazkoa" iruditu zaio proposamena sakon aztertu eta etorkizuneko elkarlana bideratzen hasteko.

Langileen erabakia, asteartean

Baina Eusko Jaurlaritzaren oniritzia bakarrik ez, langileena ere behar du multinazionalak. Gaia ACBko batzordera eramateko akordiorako oinarria sinatu dute asteon CCOOk eta UGTk zuzendaritzarekin, baina oraindik ez dute argitu bozketari begira hartuko duten jarrera. ELAk eta LABek, berriz, bai: hasieratik esan dute ez daudela konforme zuzendaritzaren planarekin, eta behin betiko itxiera ekar dezakeela. Beharginek asteartean dute bozketa erabakigarria.

Soldatak %15 jaisteari muzin egin dio multinazionalak, baina lantaldea erdira —300dik 140ra— murrizteko ideiarekin jarraitzen du. Arcelorren proposamenak aurrera egingo balu, uztailean irekiko lukete berriz ere altzairutegia. Ez, ordea, ohiko maiztasunarekin: asteburu batzuetan baizik ez, ACBren labe elektrikoak txatarra urtzeko eta hortik altzairua egiteko behar duen argindarra merkeagoa baita orduan. 12.000 tona inguru ekoizteko asmoa du konpainiak asko jota, eta, horretarako, hamabi ordura arteko lanaldiak egin beharko lituzkete behargin batzuek. 1955. eta 1957. urteen artean jaiotako langileei, berriz, erretiro aurreratua emango liekete, eta besteei, aldi baterako erregulazio dosierra ezarriko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

URAK EZ DARAMATZAN ARAUAK

Imanol Magro Eizmendi

Kontrolatu al daiteke langileek komunean pasatzen duten denbora? Tarte hori atsedena da, edo lan denbora? Legezkoa al da baimena eskatu behar izatea? Legeak laneko komunerako bueltak nola arautzen dituen aztertu dute zenbait adituk, eta horrekin lotutako auziak eta lan gatazkak azaldu.

LABen elkarretaratzea Donostian, lan ikuskaritzak salatutako tabernaren aurrean ©Gotzon Aranburu (Foku)

Ostalaritzako «lan esplotazioa» salatu du LABek

Berria

Sindikatuak elkarretaratze bat egingo du Donostian atxilotutako enpresaburuen jatetxe baten aurrean.

Robert Habeck Alemaniako Ekonomia ministroa, iragan astean. ©FILIP SINGER / EFE
LABeko kideak, Sernaren atarian. ©LAB

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...