Albistea entzun

Hilberria

Imanol Urbieta musikari eta irakaslea hil da, 83 urte zituela

Zarauzko Salbatore Mitxelena ikastolako lehenengotariko irakaslea izan zen Urbieta. Dozenaka abesti sortu zituen, besteak beste, MacMikel, Jon Braun eta Ran Rober Ran. Gaur hil da Urbieta, 83 urte zituela. Bideoa: Imanol Urbietaren ibilbidea. (Lara Madinabeitia /BerriaTB)

Berria -

2016ko irailak 28 07:26

Imanol Urbieta musikaria hil da, 83 urte zituela. Duela bi urte, omenaldi berezia egin zioten Zarauzko Salbatore Mitxelena ikastolan irakasle eta euskaltzaleari. Hunkituta ageri zen. Izan ere, 60ko hamarkadan hantxe hasi zen Urbieta klaseak ematen, aurrezki kutxan zuen lan erosoa utzita. Haren irakasteko modua ez zen ohikoa: ikasleak zituen inspirazio iturri eta haiek ziren bere abestietako protagonista ere. "Gu hilezkorrak bihurtu gara gizon honen ondorioz", aitortu zion BERRIAri Mikel Biainek, MacMikel abestiko protagonistak. Izan ere, nork ez ditu ezagutzen MacMikel, Jon Braun eta Ran Rober Ran?

Frantziskotarrek utzitako lokal batzuetan eta garajeetan ematen zituzten klaseak hasiera haietan. Lanak izaten zituzten askotan. Frankismo bete-betean, ikasleak eskolatze txartelik gabe ibili ziren hasieran. Gerora, ikastola utzi eta musika eskola zabaldu zuen Urbietak. Ikastolan bere ikasle izandako asko joan zitzaizkion bertara. Adin guztietako ikasleak hartzen zituen han, 500 bat ikasle izateraino. Ikastolan bezala, akademian ere jolasaren bitartean ikasten zuten ikasleek; metologia berritzailea zen hura garai hartan. 

Ondoren, Donostian hasi zen lanean, Donostiako Elizbarrutiko Maisutza Eskolan, eta aldi berean baita Martuteneko ikastolan ere. Han ezagutu zuen Eneko Olarra. Olarrak lau urte zituen orduan, eta ez zuen r-a ondo ahoskatzen. Hari laguntzeko asmatu zuen Urbietak Ran Rober Ran abestia. Kontxi Aizarna emazteak gogoratzen du nola izan zen: "Psikomotrizitatea lantzeko material bat bagenuen, uztai batzuekin lantzen zena. Doinu bat sortu zuen Imanolek uztaiena lantzeko, eta haurrak r-a ahoskatzeko arazoak zitula ikusi zuenean, ran roberra gehitu zion".

Musikari emandako bizitza

Ikasturtea amaituta ere, haurrekin lanean jarraitzen zuen Urbietak. Udan bidaiak egiten zituzten, bai Euskal Herrian eta baita atzerrian ere. BIdaia horiek ordaintzeko hasi ziren diskoak kaleratzen. Haur kantariak izan zen lehena, 1967an Bartzelonan grabatutakoa. 1979an etorri zen Xirula Mirula, eta 80ko hamarkadan Xixupika eta Lau katu eta danbor bat izeneko ikasmaterialak. Euskal Herri osoko ia ikastetxe guztietan erabili zituzten.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Oier Iruretagoiena artista <em>San Sebastian eta fantasma</em> erakusketarako ondutako pieza baten ondoan, Donostiako San Telmo museoan. ©JON URBE / FOKU

Sufrimenduaren estetizazioa

Itziar Ugarte Irizar

Oier Iruretagoienak 'San Sebastian eta fantasma' erakusketa zabaldu du Donostiako San Telmo museoan. Bi parte ditu: martiri erromatarraren iruditik abiatutako lanak eta soinu instalazio bat

Cristina de Middelek Aleatoris Vulgaris seriean sortu dituen collageetako bat. ©BERRIA

Irudiekin kritika egiteko lengoaiak

Ane Eslava

Cristina de Middelek artearen tresnak baliatzen ditu argazkiekin bere ikuspegiak zabaltzeko. Erakusketa bat jarri du Nafarroako Unibertsitateko Museoan

Gure izeneko umea eta haren aita dira Alex Orbe marrazkilariak eta Unai Elorriaga idazleak argitaratutako <em>Jarraitu inurriari</em> liburuko protagonistak. ©HARRIET EDICIONES

Lurrundu egin den ama bat

Iñigo Astiz

Unai Elorriaga idazleak eta Alex Orbe marrazkilariak ama noiz itzuliko esperoan bizi diren aita-alaba batzuen nondik norakoak kontatu dituzte 'Jarraitu inurriari' komiki liburuan

 ©GORKA RUBIO/ FOKU

«Tradizioa etxe zahar bat eraberritzearen moduko zerbait da»

Alex Uriarte Atxikallende

'KlasikAT'egitasmoaren barruan, Kalakanek Euskadiko Orkestrarekin diskoa grabatu du. Hego Euskal Herriko lau hiruburuetan eta Donibane Lohizunen aurkeztuko dute, urriaren 20tik azaroaren 5era bitartean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.