Albistea entzun

Literatura

Marijane Minaberri idazlea hil da

Haur literaturako lan ugari ditu idatziak eta euskal irratigintzaren aitzindarietako bat da.

Marjane Minaberri.
Marjane Minaberri. Literaturaren Zubitegia

Berria -

2017ko otsailak 23

Gaur arratsaldean eman dute Euskal Irratiek Marijane Minaberriren (Banka, Nafarroa Beherea, 1926) heriotzaren berri. 90 urte zituen.

Idazle ibilbidea hainbat aldizkaritan egindako kolaborazioekin hasi zuen, poemak eta ipuinak argitaratuz. 1960an bi poema kaleratu zituen Gure Herria-n: Amañokantua eta Esku miresgarria, eta 1963an Itchulingo anderea (Goiztiri) ipuin liburua. Bertan batu zituen sei kontakizun, tartean Erregina gaztea, Eñaut eta sagutxo eta Oreinaren emaitza.. Bi urte geroago argitaratu zuen Xoria kantari poesia liburua. Liburu bat eta bestea gaur egungo euskal haur literaturaren  abiapuntutzat jo izan dituzte.

Irratirako ere egin zuen lan, eta Oskorri taldeak haren lana ekarri zuen gogora 1999an kaleratutako Marijan kanta zan diskoarekin. Han Minaberriren hainbat kantu eta olerki bildu zituzten, eta ondoren, diskoan oinarritutako ikuskizuna prestatu zuten oskorrik eta Kukubiltxo antzerki taldeak.

Hiztegigintzan ere lan egin zuen Minaberrik, eta hainbat lan argitaratu zituen Manuel Mitxelena eta Piarres Lafitterekin elkarlanean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©BERRIA

Ekitaldien hutsunea kudeatzea

Amaia Igartua Aristondo

Musikaren sektoreko profesionalei kontzertuetatik datozkie diru sarrerak, bereziki; managerrei ere, beste horrenbeste. Pandemiaren ondorioz, ikuskizunak desagertu egin ziren aurrena, eta murriztu ondoren. Egoera horrek nola eragin dien kontatu diote zenbait kudeatzailek BERRIAri. Itzuleraren gakoak.

Nikos Kazantzakis idazlea. ©BERRIA

Biziminetan bapo

Joannes Jauregi

Aurten dira 75 urte Nikos Kazantzakis idazle eta filosofo greziarrak 'Zorba ospetsuaren hitzak eta egintzak' argitaratu zituela. Duela lau urte kaleratu zen liburua euskaraz, bere ibilbidea urratzen segitzen duen seinale.

Gerard Lovek taldea utzi ondoren, Dave McGowanek hartu du haren lekua baxuan, eta Euros Childs batu zaie teklatuan eta ahotsetan. ©DONALD MILNE / TEENAGE FANCLUB

Bizitzaren aldaketei so

Aitor Biain

Teenage Fanclub taldeak 'Endless Arcade' kaleratu du, estudioko hamargarren lana. Taldean aldaketa garrantzitsuak izan arren, gitarra eta ahots harmoniei eutsi diete.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.