Ser irrati kateak eman du gertatutakoaren berri. Gazte talde batek bikote homosexual bat iraindu zuen goizaldeko hirurak eta laurak bitartean, eta bikoteko kide batek aurre egin zien. Orduan, ukabilkadaka hasi zitzaion taldeko kide bat.
Udaltzaingora jo zuen bikoteak, erasoa salatzeko. Bertan, ordea, aholkatu zieten lesioen txostenarekin joateko. Eraso egin ziotenak Ser irrati kateari adierazi dio jada baduela txosten hori, eta LGTB kolektiboaren aholkularitza bilatu duela salaketa aurkeztu aurretik.