Albistea entzun

'Errepresioari autodefentsa'

Espetxera bidali dituzte Iruñeko istiluekin lotuta atxilotuetako hiru

Terrorismo delituak egotzita espetxeratzeko agindu du epaileak. Laugarrena adingabea da, eta aske utzi dute. Atxilotuei elkartasuna adierazi diete Errepresioari Autodefentsa dinamikak eta Ernaik.

Hainbat kalte material eragin zituzten Iruñeko alde zaharrean.
Hainbat kalte material eragin zituzten Iruñeko alde zaharrean. Jesus Diges / EFE

Berria -

2017ko martxoak 13 07:37

Larunbat arratsalderako manifestaziora deitu zuen Errepresioari Autodefentsa dinamikak, Iruñean. Dozenaka lagun elkartu ziren, eta liskarrak izan ziren alde zaharrean. Espainiako Poliziak lau lagun atxilotu zituen.

Lau atxilotuetako hiru igaro dira epailearen aurretik, desordena publikoak sortzea, aginteari eraso egitea eta kalteak eragitea egotzita. Laugarren atxilotua adingabea da, eta aske utzi zuten atzeman eta ordu batzuetara. Epaileak ebatzi du hirurak espetxeratzea eta, terrorismo delituak egotzita, auzia Espainiako Auzitegi Nazionalaren esku uztea.

Igandean, istiluak "irmoki gaitzetsi" zituen Nafarroako Gobernuak, eta "zero tolerantzia" adierazi zien "Nafarroa bere herri eta hiriak indarkeriazko konfrontazioaren jokaleku gisa erabili nahi dutenei". Halaber, asmoa adierazi zuen "bake, errespetu eta elkarbizitza kultura baten alde lan egiteko".

Iruñeko Udalak, berriz, bozeramaileen ezohiko batzordera deitu zuen iganderako, eta aho batez adostu zuten gertatutakoa "arbuiatu edota gaitzestea".

Mobilizaziorako deia

Errepresioari Autodefentsa dinamikak zoriondu egin ditu Iruñeko protestan izandakoak: "Hasi gara jada autodefentsa mekanismoak garatzen, eta lortu dugu jada lehen erantzun masiboa materializatzea". Azaldu duenez, kalea "bi interes antagonikoren espresioa besterik" ez zen izan: "Kalea hartu genuen, azken hilabete eta urteetan eraso egin dieten kide guztien izenean eta egunerokotasunean gure sumisioa baldintzatzen duen horretan gure nazka eta gorrotorik handiena bideratuz". Mobilizaziora deitu dute ostiralerako herri, unibertsitate eta institutu guztietan.

Ernai antolakundeak azpimarratu du ez datorrela bat Errepresioari Autodefentsa dinamikarekin, baina "tamaina honetako basakeria errepresiboak salatzea" ezinbestekotzat jo du. Elkartasun osoa adierazi die espetxeratutako hiru gazteei, eta aske uzteko eskatu du. Gaineratu du Ernaik Iruñeko gertakariek "ederki" erakusten dutela "statu quo-a mantentzeko bitartekoa" dela errepresioa, "zuzenean edo zeharka berau zalantzan jartzen duten dinamikak oztopatzea eragiten duena".

Ernairen arabera, ETAk borroka armatua amaitutzat eman duen egungo agertokian mozal legea edo zigor kodea bezala jazarpen mota berriak agertu dira, baina horrekin batera lehengo "formulek" irauten dutela dio: "Errepresio eredu berri hauen zorrozteak, ordea, ez ditu albo batera utzi formula zaharrak. Euskal Herrian salbuespen egoera mantentzen da". Altsasuko gazteen kasua ere adibidetzat izan du ohar batean. Azkenik bat egin du Errenteriako gazte mugimenduak deitutako bilkurarekin.

 

Dei egiten dugu gaur Oreretako gazte mugimenduak deitutako kontzentrazioan parte hartzera eta atxilotuen berehalako askatasuna exijitzea.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Aingeru Zudairek begi bateko ikusmena galdu zuen pilotakada baten ondorioz, artxiboko irudia ©Jagoba Manterola / Foku

Aingeru Zudaireren kasua aztertu zuen epailea Gironara lekualdatu dute

Isabel Jaurena

Fermin Otamendi magistratuak Nafarroako zenbait kasu esanguratsuren ikerketan parte hartu du: garbitzaileen sektoreko protesten ondorioz egon ziren atxiloketak, 'Osasuna auzia', 'Cervera auzia', 'Davalor auzia' eta Aingeru Zudaireren kasua.

Pedro Azpiazu sailburua, gaur, Eusko Legebiltzarrean. ©L. RICO / EFE

EAJk eta PSEk oposizioaren zuzenketa partzial batzuk onartuko dituzte

Xabier Martin

Pedro Azpiazuk iragarri du oposizioak aurrekontuen inguruan egindako zuzenketa batzuen alde egingo dutela, 30 milioi euroko balioarekin. EH Bilduri eta Elkarrekin Podemosei «koherentzia falta» dutela aurpegiratu die. Koalizioak esan du «errealiateak aurrean eraman» duela gobernua eta EPk «eredu politiko bati» egindako osoko zuzenketa dela berea.

Peio Etxeleku, lehen planoan, Elkarrekin Herriarentzat taldearen aurkezpenean. ©BOB EDME

«Pisua izan nahi dugu erabakietan, zatitu gabe»

Ekhi Erremundegi Beloki

Euskal Hirigune Elkargoan ikusten dituzten «akatsak» konpontzeko «kontsentsuak» lortu nahi ditu Etxelekuk talde politikoa sortuta. Baina «gehiengoak mugitu» daitezkeela dio.
 ©GUILLAUME FAUVEAU

Ezkerreko abertzaleen Bil Gaiten talde politikoa aurkeztu dute 27 hautetsik

Ekhi Erremundegi Beloki

EH Baiko hautetsiek bultzatu dute elkargoko taldea, baina guziak ez dira barne izango. Hautetsien lana «errazteko» beharra nabarmendu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.