Albistea entzun

Errusia

Hamalau dira San Petersburgoko metroko erasoan hildakoak

Hasieran bi eztanda izan direla zabaldu den arren, bakarra izan da, bi geltokiren artean. Putinek esan du "aukera guztiak zabalik" dituztela.

Hamalau dira San Petersburgoko metroko erasoan hildakoak
Hamalau dira San Petersburgoko metroko erasoan hildakoak

Samara Velte -

2017ko apirilak 4 11:53

Errusiako hiri nagusien artean bigarreneko metroa jarri dute jomugan. Astelehen eguerdian, eztanda handi bat izan zen San Petersburgoko Sennaia eta Tekhnologitxeski Institut geltokien artean, ustez bagoietako batzuk lehertuta. Hasierako informazioen arabera, gutxienez hamar lagun hil zirela zabaldu zen. Asteartean azaldu dute hamalau badirela, dagoeneko, leherketaren ondorioz hilak, eta larri daudela dozenaren bat herritar.

Erasoa eguerdiko 14:30ean gertatu zen, Euskal Herriko 13:30ean. Hasieran zabaldu zenez, bi geltokitan lehertu ziren bagoiak, baina gerora jakinarazi zuten batetik besterako bidean gertatu zela; gidariak ez zuen trena gerarazi hurrengo geltokira iritsi arte. Ordu gutxiren buruan, hiriko metro sare osoa hustu zuen Poliziak, eta geltokiak itxi zituen, kriminologoek gertatua argitzeko. Lehenbiziko hipotesien arabera, lehergailua bagoietan ipinita zegoen; telebista publikoak jakinarazi du metrailaz beteta zegoela. Vosstania metro geltokian ere topatu dute eskuz egindako lehergailu bat, eta indargabetu egin dute.

Interneteko erabiltzaileek sare sozialetan jarri dituzten hainbat iruditan, hautsita ageri dira bagoietako ate eta leihoak. Nasan, hainbat lagun ikus daitezke lurrean. Lekukoek tokiko hedabideei azaldu dietenez, hainbat bidaiarik metroaren leihoetatik irten behar izan dute.

«Aukera guztiak» zabalik

Fiskaltzak ere abiatu du gertatutakoari buruzko ikerketa. Vladimir Putin presidentearen arabera, «oraindik goizegi» da erasoaren jatorri zehatza aipatzeko, baina gobernuak zabalik dauzka aukera guztiak. «Ikerketak argituko du, baina arrazoi guztiak aztertzen ari gara, teknikoak zein kriminalak, eta, nagusiki, jatorri terroristako adierazpenak».

Putin, hain zuzen ere, hirian bertan zen erasoa gertatu zenean; besteak beste, hainbat komunikabide handirekin antolatutako foro bat eta Aleksandr Lukaxenko Bielorrusiako presidentearekin hitzordu bat zeuzkan. Viktor Ozerov parlamentuko defentsa batzordeko bozeramaileak iradoki zuen hura izan zitekeela erasoaren arrazoietako bat, eta segurtasuna behar bezala ez bermatzea deitoratu zuen. Putinen bozeramaileak, ordea, ukatu egin du halako loturarik egotea: presidentea hiriaren kanpoaldean zegoela jakinarazi du Dmistri Peskov eledunak.

Bestelako daturik ezean, dolumin sorta heldu zaie nazioartetik sanpetersburgotarrei. Federica Mogherini Europako Batasuneko mandatariak esan du «Errusiako pertsona guztiak gogoan» dituztela berak eta EBko Atzerri ministroek. Ramzan Kadirov Txetxeniako Errepublikako buruak ere gaitzetsi du erasoa, eta egileak «jazartzeko» eskatu du. Gobernuak hiru eguneko dolu nazionala ezarri du hildakoak omentzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Zero COVID neurrien aurkako manifestariak, bart, Pekinen. ©MARK R. CRISTINO / EFE

Milaka lagun kalera irten dira Txinan, Zero COVID politiken aurkako protestetan

Paulo Ostolaza

Herrialdeko hiri nagusietan izan dira protestak, tartean, Pekin hiriburuan. Urumqi hiriko sute batean hamar lagun hil izanak leherrarazi ditu manifestazioak.

Gerald Darmanin Frantziak Barne eta Itsasoz Haraindiko ministroa —irudiaren erdian—, gaur, Noumean, bilkura batean ©@GDarmanin

Darmaninek «elkarrizketei berriz ekitea» jarri du helburutzat Kaledonia Berrian

Ander Perez Zala

Urtebetean baino gehiagoan lehen aldiz, independentistek baiezkoa eman diote negoziazioetan parte hartzeari.

Peruko presidente Pedro Castillo (erdian), Ministroen Kontseilua berritu ostea, joan den ostiralean, Liman. ©EFE

Peruko Botere Judizialak Castillori eskatu dio estatuko erakundeak bilera batera dei ditzala, adostasuna lortzeko

Mikel O. Iribar

Gobernuaren eta Kongresuaren arteko tentsioa areagotu egin da azken egunotan; ganberak ezezkoa eman dio presidentearen konfiantza mozioari, eta Ministroen Kontseilua berritu behar izan dute.

Irango emakumeen aldeko protesta, Istanbulen (Turkia), iragan larunbatean. ©EFE / Erdem Sahin

Iranek ez du NBErekin kooperatuko protestetako errepresioa ikertzeko

Maddi Iztueta Olano

NBEk misio independente bat sortu du mobilizazioen aurkako errepresioa ikertzeko. Mahsa Aminiren hilketaren aurkako manifestazioetan 300 lagundik gora hil dituzte, eta 15.000 herritar atxilotu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.