Lau anai-arrebetan zaharrena zen Ignazio Etxarren, eta berak bakarrik jaso zuen euskara etxean. Bere ondorengoei ez die eman, eta duela hiru urte BERRIAk egindako elkarrizketan kontatzen zuen biloba zaharrena eskolan ari dela ikasten.
Labrit elkarteak dio azken euskaldun zaharra hil arren euskara gaztea dela Arakilgo lurretan, "belaunaldi berrien ahotan". Elkarte horrek lan andana egin du euskaldun zaharren ahotsa jasotzen, eta Etxarren ere elkarrizketatu zuten.
