Albistea entzun

Seaskaren eskaerak baztertu dituzte Bordeleko errektoretzak eta Akademia Ikuskaritzak

Larzabaleko kolegioan Inklusiorako Egitura Pedagogikoa irekitzea "debekatu", eta Bernat Etxepare lizeoan lanbide heziketarako sail bakarra onartu diete. Seaskak nabarmendu du eskatutakoa lortu arte ez dutela negoziazioa itxitzat joko.

Ipar Euskal Herriko hautetsi eta ordezkari politiko andanak erakutsi zioten babesa Seaskari, Herri Urraten antolatu ohi duten ekitaldi intituzionalean
Ipar Euskal Herriko hautetsi eta ordezkari politiko andanak erakutsi zioten babesa Seaskari, Herri Urraten antolatu ohi duten ekitaldi intituzionalean Isabelle Miquelstorena

Ekhi Erremundegi Beloki -

2017ko maiatzak 23

Seaskaren asmoak mugatu dituzte beste behin Bordeleko errektoretzak eta Paueko akademia ikuskariak. Ikastolen federazioak ohar batean salatu duenez, heldu den ikasturtean Larzabaleko Manex Erdozaintzi Etxart kolegioan martxan jarri nahi zuten Inklusiorako Egitura Pedagogikoa irekitzea "debekatu" diete. Horiek horrela, behar bereziak dituzten haurrak inklusiorako egiturarik gabe geldituko dira Seaskaren arabera, Ipar Euskal Herri barnealdean, ez dagoelako halako egiturarik kolegioetan haur elbarriak hartzeko —izan kolegio publiko edo pribatuetan—. "Pierre Barriere Akademia inspektorearen arabera, behar bereziak dituzten 11 eta 12 urteko hiru haurrek goiz guziz kostaldera joan behar lukete, eta arrats guziz barnealdera itzuli. Zergatik jadanik zailtasunetan diren haurrei ikasteko zailtasun gehiago ezarri?", galdetu du oharrean. Elkartearen hitzetan, "euskaraz ikasten segitu nahi duten haur horiek" frantses eskoletara joan daitezen "derrigortzen" dituzte.

Halaber, Baionan eraikitzen ari diren lizeo berriak ere sortu ditu arazoak. Lanbide Heziketarako bi sail ireki nahi zituen Seaskak heldu den ikasturterako —sozial arloa eta komertzioa—, baina bakarra baimendu diete. Alta, lizeo berria Akitania Berriko kontseiluaren babesarekin eraiki dute, errektoretzarekin, bi sailak irekitzeko "aurre-akordio" bat lortuta, Seaskak nabarmendu duenez. "Eta orain, euskaraz komertzioa ikasi nahi duten ikasleen parean ez dugu irakaslerik izanen, lehen urtetik ez direlako hamar ikasle izanen? Zergatik haur euskaldunek ezin dute euskaraz ikasi?", idatzi dute oharrean.

Maiatzaren 14an, Senperen egin zen Herri Urrats bestan, "mundu batek" beraiekin bat egin zuela ohartarazi du Seaskak, eta, beraz, eskatutakoa lortu arte ez dituztela negoziazioak itxitzat joko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gasteizko Askabide Klinika ©Jaizki Fontaneda/ FOKU

Askabide Klinikak eskatu du abortuaren kontrako bilkurak ez daitezela guneetatik hurbil egin

Isabel Jaurena

'40 días por la vida' (40 egun bizitzarengatik) abortuaren aurkako elkarteak iragarri du datorren otsailaren 22tik aurrera protestak eginen dituztela.

Frankismoaren biktimei omenaldia Bilboko hilerrian, artxiboko irudian ©Aritz Loiola/ Foku

EP-IUk eta Jaurlaritzak akordioa lortu dute memoria demokratikoaren legearen inguruan

Edurne Begiristain

Biktimen errolda bat sortuko da, erreparazio «osoa» bermatuko zaie biktimei, eta memoriaren aurkako sinboloak kentzeko plan bat onduko du Gogora-k, besteak beste.

Bidaiariak, maskara jantzita, Gasteizko tranbiara igotzen. ©JAIZKI FONTANEDA / FOKU

Gaurtik aurrera ez da maskara beharko garraio publikoan Hegoaldean

Jone Bastida

Indarrean da Espainiako Ministroen Kontseiluaren agindua. Optiketan eta ortopedietan ere ez da derrigorrezkoa, baina osasun zentroetan bai

Biz-ren ekintza Dartamenduko kontseiluak Baionan duen egoitzan ©Guillaume Fauveau

AHTaren «inposaketa» gaitzetsi du Bizik

Ekhi Erremundegi Beloki

AHTaren proiektuak Ipar Euskal Herriko herritarrentzat zerga berriak ekarriko dituela salatu du. Irun, Baiona eta Bordeleko auzapezen deiarekin bat egin du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.