presoak

Autopsiak ez du zehaztu Anguloren heriotzaren zergatia

Familiaren konfiantzako sendagilea alboan zegoela egin zizkion frogak auzi-medikuak Cuencako espetzean hilik agertu zen Igor Angulo presoari. Froga horiek "ez dute heriotzaren zergatia zehazten", Iñaki Goyoaga Igor Anguloren abokatuak zehaztu duenez.

2006ko martxoaren 6a
20:02
Entzun
"Esku artean ditugun datuekin ezin dugu ziurtatu berez burua beste egin zuenik", azaldu zuen Anguloren abokatuak. Estrangulaziogatik hil zela eta lepoan markak zituela azaldu du Goyoagak.

Bilbon egin du agerraldia Iñaki Goyoagak Askatasunako kideekin batera. Askatasunak salatu duenez, Roberto Sainz Aranjuezen bihotzekoak jota hil zen euskal presoa "ez zuten behar bezala artatu". Askatasunaren ustez, sendagileek arduragabe jokatu zuten ez baitziren Sainzen osasun egoera larriaz ohartu. Bihotzekoak jota hil zen Sainz eta sendagileek haizeen aurkako tratamendua besterik ez ziotela jarri azaldu du Askatasunak.

Era berean, Askatasunak bat egin du ostegunerako ezker abertzaleak egin duen greba deialdirekin.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.