Albistea entzun

Altsasuko auzia

"Neurri gabeko jarduera judiziala" salatu dute Altsasuko Gurasoek

Bi mobilizazio antolatu dituzte fiskalaren zigor eskaeren kontra protesta egiteko: uztailaren 7an Altsasun bertan egingo dute manifestazioa 20:30ean, eta 14an Iruñean elkarretaratzea 17:30ean Gazteluko plazan. "Beldurra, kezka, babesgabetasuna eta izugarrizko mesfidantza sentitzen dugu".

Gaurko prentsaurrekoko irudi bat. /
Gaurko prentsaurrekoko irudi bat. / Altsasuko Gurasoak

Berria -

2017ko uztailak 5

Plaza bete jende elkartu da Altsasun amorrua, kezka eta babesa irudikatzeko. Fiskalak egindako espetxe eskaera handiek sortutako amorruak elkartu ditu, gazteekin gerta daitekeenaren kezkak, eta haiei zein gurasoei agertu nahi dieten babesak. Baina, ikaratuta daude: "Ikara izugarria sortzen du horrenbesteko neurrigabekeriak".

Auzipetuen gurasoek eman dute prentsaurrekoa, eta eskertuta agertu dira jasotzen ari diren babesarengatik. Baina ez dute ezkutatu "beldurra, kezka, babesgabetasuna eta izugarrizko mesfidantza" sentitzen dutela. Minduta daude: "Gure herriari eta tokiko familiei mina egin nahi bazieten, lortu dutela pentsa dezakete".

Baina ez dute nahi min eta amorru horrek irabazterik. "Gure mezua, irmotasun lasai batean, printzipio demokratiko eta giza eskubideen defentsa tinkoaren gainean eraikitzen da". Argi dute, Altsasuko zortzi auzipetuen auzian "legearen gehiegizko eta bidegabeko erabilera" gertatzen ari dela, eta hori amaitu beharra dagoela ohartarazi dute. Justizia eta demokrazia bera daude arriskuan, haien ustez.

Behin eta berriz esandakoa errepikatu dute, alegia, ez dutela zigorgabetasunik eskatzen, proportzionaltasuna baizik: "Errugabetasun presuntzioaren eskubidea, berme prozesalak dituen epaiketaren eskubidea, era hedakorrean eta justiziarik gabe erabil ez dadin legearen eskubidea eta proportzionaltasunaren eskubidea defendatzea". Ikerketa justua, eta neurriko zigorra. Antzeko kasu gehienak isunekin konpondu izan baitira.

Auziak haserretu dituenei, laguntzeko eskatu diete, eta zehazki zer egin dezaketen ere esan diete: web orrian jarri duten manifestuari atxikimendua, sinatzeko eta sinadura bilketa zabaltzeko; "terrorismo kalifikazio penala desmuntatzen duten argudioak zabaltzeko", era pribatu batean desadostasuna adierazten diguten partidu politikoei, jendaurrean beren iritzia adierazteko; partidu politikoei, sindikatuei, giza, kultura eta beste hainbat alorretako erakundeei, ekinaldi jendetsu eta plurala antolatzeko lan egiteko; eta Nafarroako Gobernu eta Parlamentu eta udalei, beraien babesa ematen eta bidegabekeria hau salatzen jarraitzeko.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Rodolfo Martin Villa, atzoko hitzaldian, Madrilen. ©FERNANDO ALVARADO / EFE

Martin Villa: «Heriotzen erantzule politiko eta penala izan ninteke»

Jon O. Urain

Martxoaren 3ko hilketez, ministro ohiak ukatu egin du gobernuak «plan sistematiko» bat eduki izana
Alonsotegiko udaletxea. ©Monika del Valle / Foku

Alonsotegiko auzipetuek ez dute kartzelara joan beharko, akordioa lortuta

Berria

Bi urteko kartzela zigorra, hamarreko inhabilitazioa, eta 881.000 euro ordaintzea onartu dute, prebarikazioa, dokumentuak faltsutzea eta iruzurra aitortuta. EAJko alkate ohia zegoen auzipetuen artean

'“Bi arnas”: itxi gabeko zauria ama baten ahotsean' dokumentalaren trailerra

Dirua biltzeko kanpaina bat abiatu dute 'Bi Arnas' dokumentala osatzeko

Berria

Bi Arnas torturari buruzko dokumental bat da, eta Iratxe Sorzabal euskal preso torturatua eta haren ama Maria Nieves Diaz dira protagonistak. Gutxienez 7.000 euro bildu nahi dituzte.

Rodolfo Martin Villa: Forum Europako hitzartzea

Martin Villak aitortu du Martxoaren 3ko hilketen «erantzule politiko eta penala» izan litekeela

Jon O. Urain

Ministro ohiak ukatu du Espainiako trantsizioaren testuinguruan gertatutako hilketak plan baten parte izan zirela, eta memoria legeen aurka agertu da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.