Albistea entzun

Katalunia

Dimisioa eman du mossoen buruak, "arrazoi politikoak" argudiatuta

Batllek esana zuen galdeketarekin lotuta Puigdemont edo Forcadell atxilotzeko agindua helduko balitzaio "egoerak eskatzen duen moduan" jokatuko lukeela. Joaquim Fornek Barne kontseilariaren kargua hartu eta egun gutxira eman du dimisioa mossoen buruak. Pere Soler Campins izango da mossoen buru berria.

Albert Batlle, 'mossoen' buru ohia, artxiboko irudi batean. /
Albert Batlle, 'mossoen' buru ohia, artxiboko irudi batean. / Alejandro Garcia/EFE

Berria -

2017ko uztailak 17 13:18

Erreferenduma bermatze aldera haren inguruko nolabaiteko zalantzak zituzten hiru kontseilarik kargua utzi eta egun gutxira heldu da Kataluniako mossoen buruaren dimisioa. Albert Batllek ez ditu argitu erabakiaren zergatiak; soilik esan du "arrazoi politikoek" bultzatu dutela horretara.

Pere Soler Campinsek hartuko du Batlleren lekua. Bihar egingo dute izendapena. Generalitateko kartzela zerbitzuen zuzendari nagusi izan zen, 2013an. Terrassakoa da sortzez, eta abokatua ikasketaz eta ofizioz. CiUko zinegotzi ere izan zen, Terrassan bertan.

Joaquim Forne Barne kontseilari berriak iragarria zuen Albert Batllerekin eta Barne kontseilariaren karguan egondako Jordi Janerekin biltzeko asmoa, baina bilera egin baino lehen eman du dimisioa Batllek. Haren erabakia ontzat jo du Fornek.

2014tik zegoen karguan Batlle. Aurretik, 1995 eta 2003 artean, PSCko zinegotzi izan zen Bartzelonako Udalean, eta, ondoren, 2011 bitartean, Generalitatean aritu zen. Mossoen buruzagitza hartu aurreko urteetan, berriz, Kataluniako Ustelkeriaren Aurkako Bulegoko zuzendariordea izan zen.

Duela hilabete batzuk, elkarrizketa batean, Batllek adierazi zuen erreferendumarekin lotuta Carles Puigdemont presidentearen edo Carme Forcadell legebiltzarreko buruaren aurkako atxilotze aginduak jasoz gero, "egoerak eskatutako moduan" jokatuko zuela.

Kargua uzterakoan, Batllek nabarmendu du ziur dagoela mossoek aurrerantzean ere herritarren segurtasuna eta ongizatea bermatuko dituztela, "legea errespetatuz".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Guantanamoko atxilotze gunearen aurkako protesta bat, Washingtonen ©ERIK S. LESSER / EFE

AEBetako epaile batek ebatzi du afganiar bat legez kanpo daukatela Guantanamon atxilotuta

Igor Susaeta

Asadullah Haroon Gulek hamalau urte daramatza preso atxilotze gunean. Gobernuaren argudioak atzera bota ditu Washingtoneko epaile federal batek, eta defentsaren habeas corpus eskaera onartu du.

Ikatz errekuntza bidezko instalazio termiko bat, Mazedoniako Bitola hirian. ©GEORGI LICOVSKI / EFE

Estu hartu dute IPCC, klimari buruzko ondorioak alda ditzan

Arantxa Elizegi Egilegor Gorka Berasategi Otamendi

BBCk zabaldutako filtrazioaren arabera, Saudi Arabia, Australia eta Japonia leudeke, besteak beste, esku hartzeen atzean. Helburua litzateke erregai fosilak alde batera uzteko presioa indargabetzea

Kolonbia: Hobietan, egiaren bila

Kolonbiako desagertuen lorratzaren bila

Aitor Txabarri

Azken 60 urteetan 100.000 desagertze salatu dituzte Kolonbian. Horietatik gehienak 1990eko hamarkadan egin zituzten paramilitarrek eta segurtasun indarrek. Baina gaur egun oraindik senideek ez dakite non dauden edo zer gertatu zitzaien bahitutakoei, eta ikertzen hasi direnetako askok erbestera joan behar izan dute mehatxuengatik.

Tripolin gaur egindak bileraren une bat ©Mohamad Abdel Kader / EFE

Libiako batasun gobernuak ez du argi ikusten bozak abenduaren 24an egitea

Igor Susaeta

Lehen ministroak hauteskundeak egitea defendatu du nazioarteko goi bilera batean, Tripolin. Aldeak «adiskidetu» arte itxarotearen alde da presidentea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.