Zinema

Hamalau euskal ekoizpen emango ditu Zinemaldiak

Euskal zinema batzen duen Zinemira sailean fikzioaren alorreko bi debut izango dira: Non (Ez) aurkeztuko dute Ximun Fuchs eta Eñaut Castagnetek, eta Bi txirula estreinatuko du Iñigo Garciak (euskal ekoizpenen bideoa, albistean).

Euskal zinemako aurpegi ezagunak, aurkezpenean. /
Euskal zinemako aurpegi ezagunak, aurkezpenean. / Andoni Canellada/Argazki Press

Itziar Ugarte Irizar -

2017ko abuztuak 30 08:30

Dagoeneko jakinekoak ziren Donostiako 65. Zinemaldian izango diren euskal ekoizpenen inguruko zenbait informazio —Aitor Arregiren eta Jon Garañoren Handia Sail Ofizialean izango dela, eta Koldo Almandozen Plágan (Izurria) Zabaltegi-Tabakalera sailean, kasurako—, eta gaur eman dute falta zirenen berri: zortzi sail eta programatan banatuta, Euskal Herrian ekoitzitako hamalau lan erakutsiko dituzte, eta horietatik zazpik munduko estreinaldia izango dute Zinemaldian. Bideoa: euskal produkzien aurkezpena (Andoni Mikelarena, BerriaTB).

Euskal Zinemaren Irizar sarirako zazpi film lehiatuko dira: Sail Ofizialean erakutsiko diren Handia eta Morir (Fernando Franco); Zinemira saileko Bi txirula, Elkarrekin-Together (Migueltxo Molina, Pablo Iraburu eta Igor Otxoa) eta Non (Ez); Operacion Concha (Antonio Cuadri), Belodromoan erakutsiko dena; eta Volar (Bertha Gaztelumendi), bestelako jardueren barruan erakutsiko den.

Zinemira sailean, lehiaketaz kanpoko beste bi film ere erakutsiko dituzte: aurten zendu den Juanba Berasategiren Nur eta herensugearen tenplua, eta Converso, David Arratibelen bigarren film luzea.

Zinemira saria

Zinemira saria Julia Juaniz muntatzaileari emango diote. 60 produkzio baino gehiago muntatu ditu Juanizek, horietako asko Zinemalditik igaro direnak. Euskal Zinemaren eta ETBren Galan jasoko du saria —Viktoria Eugenia antzokian, irailaren 26an—, eta Elkarrekin-Together pelikula emango dute han.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Azpikontratatutako langileen elkarretaratzea, gaur, Txagorritxuko ospitalearen atarian ©aritz Loiola / foku

Osakidetzako langile azpikontratatuek euren zerbitzuak publiko egiteko eskatu dute

Irati Urdalleta Lete

ELA, LAB, CCOO, UGT eta ESK sindikatuek deituta, elkarretaratzeak egin dituzte Txagorritxuko, Gurutzetako eta Donostiako ospitaleetan.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna