Albistea entzun

Literatura

Miren Amurizak irabazi du Igartza saria

'Paperezko txoriak' eleberriarekin gailendu da Elkar argitaletxeak, Beasaingo Udalak eta CAF enpresak antolatzen duten idazle berrientzako sariketan.

Miren Amuriza, artxiboko irudi batean.
Miren Amuriza, artxiboko irudi batean. Argazi Press

Mikel Lizarralde -

2017ko irailak 7 12:48

Miren Amuriza (Berriz, 1990) bertsolari eta BERRIAko eguneroko zutabegileak urtebete pasa izango du Paperezko txoriak nobela idazteko. Proiektu horrek irabazi du 20. Igartza saria, eta horri dagokion diru ordainaren lehenengo partea gaur arratsaldean jasoko du Beasaingo Igartza jauregian. Gainerakoa eleberria bukatu eta hura aurkeztean eskuratuko du.

"Beren burua berreraikitzen saiatuko diren hiru lagun" izango dira Paperezko txoriak lanaren protagonista nagusiak. Sabina, bizitza osoan baserrian bizi izan den 80 urte inguruko emakumea, haren alaba Karmele eta biloba Oihal. Urteetan pilatutako nekearen eta minaren ondorioz, Sabina bere buruaz beste egiten ahaleginduko da, eta horrek familiaren zimenduak mugituko ditu, kolokan jartzeraino. "Pieza guztiak mugituko dira, eta familiako kideen arteko talkak sortuko dira", adierazi du Amurizak gaur goizean Donostian eginiko aurkezpenean.

Gai ugari jorratuko ditu Amurizak nobelan, eta horien artean pisu handia izango du zaintzarenak. Izan ere, hiru protagonista nagusiek modu ezberdinean bizi eta ulertuko dute zaintza. Bakardadea izango da liburuaren beste ardatzetako bat. "Bakardadea ikasgai bat da bizitzan, derrigorrean pasatu beharrekoa. Hor agertzen da lehenago edo geroago".

Orain arte bertsolaritzan eta zutabegintzan aritu da Amuriza, eta idatzi izan ditu haurrentzako lan batzuk ere. Eleberria beste "pauso" bat izango da bere sormen lanean: "Asko motibatzen nau. Bertsolaritza eta zutabegintza oso ezberdinak dira. Bertsotan zutik begiratzen diozu munduari, modu kolektiboan. Idaztea, berriz, esertzea eta barrura begiratzea da. Ariketa intimoago bat. Eta tarteko zerbait da BERRIAkoa. Eskatzen du prezisioa, aktualitateari begiratzea". Alde horretatik, zutabeak idaztea "entrenamendu ona" izan dela dio.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Almadien Eguna Burgin (Nafarroa), apirilaren 30ean. ©Villar Lopez, EFE

Almadia ondare immaterialeko kultur ondasun izendatu du Unescok

Uxue Rey Gorraiz

Burgin (Nafarroa) ilusioz hartu dute izendapena. Ospakizuna eginen dute bihar, ezkilak errepikan jarrita.

Auschwitzeko kontzentrazio esparruan hil zen Nemirovski, 1942ko abuztuaren 17an. ©BERRIA

Nemirovskik emandako azkena

Naroa Torralba Rodriguez

'Suite frantsesa' nobelaren bertsio argitaragabe bat eman du Alberdaniak. Agota Kristofen 'Koaderno handia' ere atera du

Aukeran konpainiako kideak, Hernanin (Gipuzkoa) <em>Migratzaileak</em> disko-liburua aurkezten. ©MAIALEN ANDRES / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.