Albistea entzun

Kataluniako hedabide publikoen aldeko elkarretaratzeak

Berria -

2017ko urriak 26 13:26

Euskal Herriko hainbat hedabidetako ordezkarik elkarretaratzea egin dute Donostian, Bilbon eta Gasteizen. Espainiako Gobernuak hedabide horien kudeaketan esku hartzeko asmoa adierazi du, konstituzioaren 155. artikuluaren ezarpenaren bidez.

Euskal Herriko kazetari talde batek deituta, bilkurak egingo dira eguerdian Bilbon, Donostian eta Gasteizen. Kataluniako hedabide publikoetako langileei elkartasuna adierazteko elkarretaratzeak izan dira, Espainiako Gobernuak hedabide horietan esku hartzeko adierazi duen asmoari erantzuteko.

Kataluniako hedabide publikoetako langileek eta funtzionario batzuek deitoratu egin dute aste honetan esku hartzea. Vicent Sanchis TV3eko zuzendariak BERRIAn adierazi zuen Kataluniako hedabide publikoen gainean "etiketak fabrikatu" dituztela, esku hartzea justifikatzeko.

Kazetarien Euskal Elkargoak eta Euskal Kazetarien Elkarteak ohartarazi dute 155. artikulua ezartzeak eragina izan dezakeela Kataluniako hedabide publikoetako langileengan eta haien lanean. EITBko langileek ere babesa adierazi diete aste honetan TV3ekoei.

Ikerketa batek agerian utzi du TV3 izan zela urriaren 1ean kate pluralena Kataluniako erreferendumari buruzko informazioa ematen. Hala ere, Espainiako Gobernuak argudiatu du aniztasuna bermatu behar delako esku hartu behar dela. Horrek, RTVE Espainiako Irrati eta Telebista publikoaren albiste kontseiluen kritika ekarri dio, eta argudio hori paradoxa bat dela esan du.

 

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

Kaledonia Berriko herritarrak FLNKS koalizio independentistako mitin baean, 2019an. ©FLNKS

Kaledonia Berriko independentistek lehenengoz ordezkaritza lortu dute Frantziako Senatuan

Maddi Iztueta Olano

FLNKS Askatasun Nazionalerako Fronte Sozialista Kanakeko kide Robert Xowie independentista aukeratu dute goi ganberako senatari. Eskuin muturrak hiru senatari lortu ditu.

Emakume bat, Ukrainako soldadu bat irudikatzen duen mural baten aurretik pasatzen, Kieven, lehengo astean. ©EFE

Ukrainak segitzen du frontearen hegoaldean presioa handitu nahian

Igor Susaeta

Kievek jakinarazi du bederatzi pertsona hil zituela duela bi egun Krimean egindako bonbardaketan; aldarrikatu du, gainera, Zaporizhian «aurrerapauso handiak» ematen ari dela kontraerasoan
Pertsona batzuk Europako Batasunaren bandera baten aurretik pasatzen, Berlinen. ©OMER MESSINGER / EFE
Ukrainako armadako soldadu bat, tanke bat ondoan duela, aurreko uztailean Donetsk eskualdean (Ukraina). ©OLEG PETRASIUK / EFE

Fronteko lerroa ia ez da mugitu

Igor Susaeta

Hiru hilabete igaro dira Ukrainak kontraerasoa hasi zuenetik, baina ezin izan du eman aurreikusitako aurrerapausorik. Horrek eragina izan dezake Mendebaldearen jarreran.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...