Inkestek iragarritakoa bete egin da. Simeoni, Femu a Corsicako burua zena, Pe a Corsicaren zerrendaburua da bozetan. Jean-Guy Talamoni Corsica Liberako liderra bosgarrena da zerrendan. 2015eko bozetako bigarren itzulian elkartu ziren bi korronteak, eta autonomismoa gailendu da koalizioan.
Bigarren tokian, botoen %14,97 lortu ditu Jean Martin Mondoloniren eskuineko zerrendak. Harengandik oso gertu eta puntu bakarreko aldearekin geratu da Jean Charles Orsucci, ANDA por Dumanekoa. Eurak dira Eliseoaren pentsamenduetatik gertuen daudenak.
Astebete barru egingo dute bozetako bigarren itzulia. Baina zail dirudi nazionalistek atzera egitea. Hala, hauteskundeak irabazita eta lurralde kolektibitatearen estatusaren gidaritza esku artean, autonomismoan sakontzea da abertzaleen asmoa.
