AUSTRALIA
Auto batek hainbat lagun harrapatu ditu Melbournen
Bi pertsona atxilotu dituzte. Poliziak adierazi duenez, "nahita" harrapatu dute jendea, eta gutxienez hamabost lagun zaurituta daude.

Abiada bizian zihoan noranahiko ibilgailu batek hainbat pertsona eraman ditu aurrean Australiako Melbourne hirian, oinezkoentzako kale batean, Flinders Street tren geltokitik gertu. Gutxienez hamabost lagun zauritu ditu; besteak beste, larri dagoen haur bat.
Poliziak bi lagun atxilotu ditu harrapaketa dela eta. Ustez, atxilotuetako bat ibilgailuaren gidaria da. Poliziak adierazi du harrapaketa "nahita" eginikoa izan dela, baina oraindik ez dagoela argi erasotzaileen motibazioa zein izan den.
Kinka buletina
Klima larrialdiari eta ingurumenari buruzko azken berriak zabaltzen dituen buletina.