Albistea entzun

Parte hartzea kopuru historiko batera iritsi da: %81,95

Bozkalekuetan ilara luzeak sortu dira, eta, eguerdian parte hartzea 2015ean baino apalagoa izan arren, arratsaldean bost puntu igo da ordukoarekin alderatuta.

Balmes eskolan, Bartzelonan, ilarak zeuden eguerdian. /
Balmes eskolan, Bartzelonan, ilarak zeuden eguerdian. / Jon O. Urain Tamaina handiagoan ikusi

J.O.U. - O.E.U. -

2017ko abenduak 21 00:26

Lan eta boto eguna izan dute Katalunian. Salbuespen egoerako hauteskundeei batu zaie, salbuespen gisa, astegunez joatea bozkatzera. Ezin zen jakin horrek eraginik izango ote zuen parte hartzean. Goizean hautesleen %34,7 joan dira bozkatzera, 09:00ak eta 13:00ak bitartean; 2015eko irailean, %35,1 izan zen portzentajea. Duela bi urteko hauteskundeen azpitik joan da, beraz, goizeko parte hartzea.

Arratsaldean, ordea, jende ugari joan da botoa ematera: 18:00etan %68,21 zen parte hartzea, hau da: 2015ean baino 5,09 puntu handiagoa —%63,12 ze orduan—. Gehienbat Bartzelonan eta Tarragonan igo da parte hartzea arratsaldean.

Goizeko datuak hartuta, probintziaka, Bartzelonan 0,1 egin du behera parte hartzeak, eta Tarragonan, berriz, 0,4. Lleidan, 0,7 hazi da. Gironan izan da 2015ekiko alderik handiena; %3 murriztu da. Arratsaldean, berriz, denean egin du gora: 5,46 puntu Bartzelonan; 3,1 Gironan; 5,5 Lleidan eta 5,07 Tarragonan.

Goizean goizetik sortu dira ilara luzeak, herritarrek beren iritzi politikoa emateko zuten gogoaren erakusgarri. Bartzelonako Eixamplen, esaterako, bi eskolatan gutxienez berandu zabaldu dituzte ateak, eta, beraz, are gehiago luzatu ilarak; baziren 08:00etarako zain zeudenak. Adineko jende askok hartu du parte lehen orduetan, baina baziren gazteagoak ere, lanean baimena eskatutakoak.

Hain justu, Eixamplen eman du botoa Xavier Domenech Catalunya En Comu-ko presidentegaiak. Ilararik ez 11:30ean, eta, harrituta, mahaira joan da zuzenean. Iristean, jabetu da ez zeramala botorik, eta kazetari guztiak zain zeuzkala hartu du bere zerrendaren aldeko botoa.

Ez dira ohiko hauteskundeak, baina bozen lehen orduak normal igaro dira; istilurik gabe, alderdietako ahaldun kopurua ohi baino handiagoa zela. Haien lana: dena garden egiten dela bermatzea, herritarrei laguntza ematea... eta alderdikideekin eta gainerako indar politikoetako ahaldunekin solasean aritzea. Denak dira baikor.

Herritar asko urriaren 1eko irudiak buruan zituztela itzuli dira bozkalekuetara. Eixampleko Escola de Treball da Kataluniako eskolarik handiena, eta istilu handiak izan ziren erreferendumean. Gaur, giro lasaia nagusi. Bartzelonan Polizia oldartu zen lehen eskola Pau Claris izan zen, baina gaur ez zen bozkalekuetako bat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Israelgo eta AB Ameriketako Estatu Batuetako armadek ariketa militarrak egin zituzten, atzo. ©EFE

Israelek eta Palestinako miliziek elkarri eraso egin diote, Jeningo hilketen ostean

Mikel Elkoroberezibar Beloki

Gazatik bost suziri jaurti dituzte Israelera, eta Israelek Gaza bonbardatu du. Ez da hildakorik izan.

Ehorzketa etxe bateko bi langile droga trafikatzailea zelakoan hil zuten pertsona baten gorpua eramaten, Manilan, 2021eko irailean ©ROLEX DELA PENA / EFE

NZAk berriz ireki du Filipinetako drogaren kontrako gerrari buruzko ikerketa

Ander Perez Zala

Auzitegiak fiskaltzaren eskaria onartu du, argudiatuta Manilak harturiko erabakiak ez direla nahikoa izan. Duterteren agintaldian 30.000 lagun hil zituzten, giza eskubideen aldeko erakundeen arabera.

 ©Paolo Aguilar/ EFE

Dina Boluarteren aurkako zentsura mozioa aurkeztu dute

Berria

Peruko Kongresuko zenbait kideren arabera, presidentea «ez da gai» kargu horretan jarduteko

Herritar batzuk gizon baten hilotza eramaten, atzo, Jeninen. ©ALAA BADARNEH / EFE

Israelgo indarrek gutxienez hamar palestinar erail dituzte bi erasotan, tiroz

Julen Otaegi Leonet - Mikel O. Iribar

Jenin hirian eta Jerusalem ekialdean oldartu dira militarrak. Armadako buruak «terrorismoaren kontrako jarduerekin» jarraitzeko agindu du

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...