Albistea entzun

155.a Konstituzionalean salatuko du Kataluniako diputazio iraunkorrak

Konstituzioaren 155. artikuluaren ezarpenari helegitea aurkeztea adostu du Kataluniako diputazio iraunkorrak. Junts Pel Sik eta CSQP-ek neurriaren alde bozkatu dute; CUP abstenitu egin da, eta C's, PSC eta PP kontra agertu dira.

Kataluniako diputazio iraunkorraren gaurko saioko irudi bat. /
Kataluniako diputazio iraunkorraren gaurko saioko irudi bat. /

Gorka Berasategi Otamendi -

2017ko abenduak 27

Kataluniako Parlamentua ez da ohiko jardunean ari, abenduaren 21eko hauteskundeetara deitu zenetik deseginik baitago, eta oraindik ez baita parlamentari hautatu berriekin osatu. Aldiz, ordezkari berriak izendatu arte indarrean den diputazio iraunkorra bildu da gaur, konstituzioaren 155. artikuluaren ezarpenari helegitea jartzeko aukera eztabaidatzeko. Espainiako Gobernuak bultzatutako neurria Auzitegi Konstituzionalean salatzea erabaki du diputazio iraunkorrak.

Junts pel Si eta Catalunya Si Que es Pot alderdien iritziz, Espainiako Senatuak Espainiako Gobernuaren eskariz Kataluniaren autonomian esku hartzeko hartu zuen neurria konstituzioaren aurkakoa da, eta 155ari helegitea aurkeztearen alde bozkatu dute bi indarrek. CUP, berriz, abstenitu egin da, ez baitio Konstituzio Auzitegiari zilegitasunik aitortzen. Helegitea aurkeztearen kontra egin dute C's-ek, PSCk eta PPk, eta prozesu subiranistaren aldebakarreko bidea amaitzeko "modu bakarra" zela azpimarratu dute.

Unidos Podemosek ere helegitea aurkeztua du 155.aren aplikazioaren aurka.

Nolanahi ere, Espainiak ez du erakusi artikulo horren aplikazioak atzera egiteko asmorik. Alderantziz, gaur bertan borobildu du 155. artikuluaren aplikazioa, finantza arloan ere eskua sartuz. "Egonkortasunerako legea" baliatu zuen Cristobal Montoro Espainiako Ogasun ministroak, irailean, finantzen kontrola hartzeko. Gaur, baina, kontrol hori ere 155. artikuluan aterpetu da. Gaur argitaratu da erabakia Espainiako Aldizkari ofizialean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar batzuk gizon baten hilotza eramaten, atzo, Jeninen. ©ALAA BADARNEH / EFE

Israelgo indarrek gutxienez hamar palestinar erail dituzte bi erasotan, tiroz

Julen Otaegi Leonet Mikel O. Iribar

Jenin hirian eta Jerusalem ekialdean oldartu dira militarrak. Armadako buruak «terrorismoaren kontrako jarduerekin» jarraitzeko agindu du

Josep Borrell EBko diplomaziaburua eta Naser Burita Marokoko Atzerri ministroa, hilaren 5eko bilkuraren ostean. ©J. M. / EFE

Marokoren eta EBren arteko harreman onak, mehatxupean

Ricard Gonzalez

Lehen informazioen arabera, badirudi Rabatek sortu zuela europarlamentuko ustelkeria trama. Eskandalu horrek gainezka eragin die bi aldeei, desadostasunen ondoren.
 ©Paolo Aguilar/ EFE

Dina Boluarteren aurkako zentsura mozioa aurkeztu dute

Berria

Peruko Kongresuko zenbait kideren arabera, presidentea «ez da gai» kargu horretan jarduteko

Malmer Stenergard Suediako Migrazio ministroa, Ylva Johansson Europako Batzordeko Barne komisarioa eta Gunnar Strommer Suediako Justizia ministroa, gaur, Stockholmen, EBko Barne ministroen bilkuraren aurretik ©PONTUS LUNDAHL / EFE

EBko estatu kideen arteko koordinazioa handitu nahi dute migratzaile gehiago kanporatzeko

Ander Perez Zala

Europako Batzordeak aurkezturiko plana aztertuko dute egunotan talde komunitarioko Barne ministroek. Asilorako eskubiderik ez duten iheslariak itzultzea du helburu.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.