Lan gatazkak

Greba mugagabea bihartik aurrera Euskalduna jauregian

Azpikontratatutako Eulen enpresako beharginek egingo dute greba, "lan baldintza duinak negoziatzeko". Euskalduna jauregiak eutsi egingo dio programazioari.

Irune Lasa -

2017ko abenduak 27

Euskalduna jauregiak Eulen enpresarekin ditu azpikontratatuak hainbat zerbitzu osagarri, eta horietan jarduten dira 45 behargin, aretoak muntatu eta desmuntatzen, laguntza teknikoa eskaintzen, atezainen laguntzaile, bisitariak kokatzen, arropazaindegian, ekitaldien koordinazioan eta baita leihatiletan ere.

Lan baldintza kaskarrak dituztela salatu dute gaur langileok, eta enpresa negoziatzera bultzatzeko bihartik aurrera greba mugagabea abiatuko dutela. "Hauxe da gure egunerokoa: legeak ezarritakoak baino lanaldi luzeagoak; lan egutegi baten falta; bermatu gabeko plusak; edozein momentutan lanerako prest egon beharra; abisatu gabeko ordutegi aldaketak, urteetan berritu gabeko soldata prekarioak; iruzurra kontratazioetan...".

Hurrengo egunetarako hainbat ikuskizun daude programatuta Euskalduna jauregian, eta, BERRIA egunkariari azaldu diotenez, programazio horri eutsi egingo diote.

Albiste gehiago

Martxoaren 28an eguneratua, 14:00etan. ©BERRIA

Koronabirusaren azken datuak

Euskal Herrian 6.987 gaixok eman dute positibo koronabirusaren proba eginda, administrazioen arabera. 312 hil dira. COVID-19 gaitza izandako 988 pertsonari eman diete alta. Grafikoak, albiste barruan.

Jolas parkeak duela bi aste itxi zituzten. Irudian, horietako bat Donostian. / ©Gorka Rubio, Foku

EAJk harridura agertu du, eta EH Bildurentzat berandu dator erabakia

Confebaskek gaitzetsi egin du "funtsezkoa ez den jarduera oro" geratzeko erabakia. ELAk eta LABek ontzat jo dute, baina orduak errekuperatzera behartuta, ondorioak langileen bizkar geratuko direla salatu dute.

Langile batzuk lanean, joan den astean, Hernaniko lantegi batean. ©J. URBE / FOKU

Konfinamendu osoa bihartik, Hegoaldean

Jokin Sagarzazu

Madrilek eten egin ditu funtsezkoak ez diren jarduera guztiak, bihartik apirilaren 9ra. Langileek ohiko soldata jasoko dute, eta lanorduak gero egingo dituzte.

Nekazaritza da itxialditik salbuetsitako funtsezko jardueretako bat. ©IÑIGO URIZ / FOKU

Zeintzuk dira «funtsezko jarduerak»?

Ion Orzaiz

Elikagaien ekoizpenak, lehengaien garraioak, hedabideek eta osasun zerbitzuek orain arte bezala segituko dute apirilaren 9ra arte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna