Albistea entzun

Komunikazioa

Covitek ETBri egotzi dio "ETA zuritzearen zerbitzura" aritzea

Ur handitan saioan haur motxiladunen gaia lantzea salatu du biktimen elkarteak.

'Ur handitan' saioa
'Ur handitan' saioa ETB Tamaina handiagoan ikusi

Berria -

2018ko urtarrilak 10

Haur eta gazte motxiladunak izan ziren protagonista astearteko Ur handitan saioan —hainbat euskal presoren seme-alabak azaldu ziren, beren bizipenak kontatzen—. Ikusmin handia piztu zuen, programak inoizko datu onenak bereganatu baitzituen. Araban, Bizkaian eta Gipuzkoan, %7,8ko ikusle kuota lortu zuen —euskaldunen artean, %16,5—.

70.000 lagunek ikusi zuten erreportajea osorik —107.000 herritarrek uneren batean bat egin zuten ETB1eko emankizunarekin—. Bestetik, ETB1ek astearte osoan izan zuen audientziari %44,4ko ekarpena egin zion Xabier Madariagak aurkeztutako saioak. ETB1en batez besteko kuota %2ko ikusle kuota izan zen 2017. urtean.

Erreportajea osorik ikus daiteke EITBren nahieran zerbitzuan.

Kexu azaldu da, ordea, Covite biktimen elkartea. EITBri egotzi dio "ETA zuritzearen zerbitzura" egotea saioa egiteagatik baina haurren guraso presoen izen-abizenak edo horiek espetxean egoteko arrazoiak ez azaltzeagatik. Saioak "bere egiten ditu ezker abertzalearen postulatuak, inolako kritikarik gabe, eta terrorismoaren deslegitimazioa oztopatzen du".

Sare sozialetan ere oihartzun handia izan zuen erreportajeak, eta erabiltzaile askok haur eta gazte motxiladunen jarrera txalotu zuten. Xabier Madariaga aurkezleak ere eskerrak eman zizkien.

Horrez gain, euskal presoen sakabanaketa salatzeko akuilu izan zen atzo gauean saioa. Asko izan ziren hasieratik negarrez aritu zirela aitortu zutenak ere.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©RAUL BOGAJO / FOKU

«Pasioari esker heldu naiz nagoen lekuraino»

Olatz Enzunza Mallona

Aspalditik ari da dantzan Krego, 12 urterekin hasi baitzen dantzatzen. Egun, Euskal Herriko dantzaririk beteranoenetako bat da, eta oraindik ere ez du erretiroa hartzeko asmorik. Dantzaren mundua oraindik «ezezaguna» dela azpimarratu du.
Mikel Zumeta Donostiako Zinemaldiko BERRIAko kritikarietako bat, atzo, Maria Cristina hotelean. ©JON URBE / FOKU

Allenen hiria, ohiko Donostia

Urtzi Urkizu

Donostiako turismo bulegoak ibilbide bat prestatu du Woody Allenen 'Rifkin's festival' filmeko eszenetako tokietan oinarrituta. Bide osoa oinez edo bizikletaz egin daiteke.
Ramon Olasagasti. ©Irati Saizar Artola - Gipuzkoako Hitza

«Idaztearekin zerikusia duen lanbide bat nahi nuen, garbi nuen»

Irati Saizar Artola - Gipuzkoako Hitza

Lanbide ezberdinetan arituagatik, mendia eta natura beti izan ditu gertu Olasagastik; kazetaritza lanetan, itzulpengintzan zein sortze lanean, mendia izan baitu gehienetan oinarrian. Mendiaren inguruan dabil orain ere, komiki bat idazten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.