Albistea entzun

Tabakalera

Edurne Ormazabal izango da Tabakalerako zuzendari nagusi berria

2016ko irailean erabaki zuten postu berri hori sortzea, eta orain Ane Rodriguez eta biak izango dira Tabakalerako gidari.

Edurne Ormazabal, iazko zinemaldian. /
Edurne Ormazabal, iazko zinemaldian. / Javier Etxezarreta/Efe

Berria -

2018ko urtarrilak 12

Tabakalerako Administrazio Kontseilua egin dute gaur zuzendari nagusi berria aukeratzeko. Aurrez erabakitako prozeduran Edurne Ormazabal (Tolosa, 1963) atera da aukeratua, eta hautu horri oniritzia eman diote gaur bileran bildu direnek. EH Bilduko ordezkaria izan da hautagaitza babestu ez duen bakarra: abstenitu egin da, postua sortzearekin ados ez zegoenez, "koherentziaz".

"Nazioarteko proiekzioan sakontzea" izango da Ormazabalen egitekoetako bat, "sormen sarearekin, industria kultural eta sortzailearen sektorearekin eta ekonomia sarearekin dituen harremanak sustatzea". Diru iturri pribatuak erakartzeko lana ere emango diote, "proiektuaren ordezkari" izanez.

Ormazabalek ETBri lotuta egin du bere ibilbide profesional gehiena. Donostiako Zinemaldian egiten duen aurkezle lanagatik ere ezaguna da. Tabakalerak atera duen prentsa oharrean azpimarratu dute "eskarmentu handia" duela diziplina anitzeko taldeak zuzentzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nafarroako Orkestra Sinfonikoak Luis de Pabloren —argazkian, erdian— eta beste hainbat konpositoreren lanak interpretatuko ditu gaur. ©BERRIA

1972ko Iruñea harritu zuten doinuak akordura

Uxue Rey Gorraiz

Gaur hasiko dira 72-22 Topaketak Iruñean. Urriaren 18ra bitarte, eta orain dela 50 urtekoak gogoan, askotariko jarduerek eta emanaldiek artez jantziko dute hiria. Musika berebizikoa da gaur: Teresa Catalanen eta Tomas Marcoren solasaldi bat aurrena, eta Nafarroako Orkestra Sinfonikoaren kontzertua ondotik.

Moto- Membra Jesu Nostri obrako lan taldea: Pau Auli, Eneko Sagardoi, Lucia Astigarraga eta Andoni Sierra. ©OSKAR MATXIN EDESA / FOKU

Motoak eta gurutzeak

Iñigo Astiz

'Moto- Membra Jesu Nostri' kontzertu eszenifikatua estreinatuko du bihar Bilboko Arriaga antzokiak, Bieteritx Buxtehuderen musikarekin eta Eneko Sagardoik sortutako testuarekin

Kristof Arotzarena eta Aitziber Zugarramurdi, Zinegin festibalaren antolatzaileak, atzo, Baionan. ©GUILLAUME FAUVEAU

Zinegin festibala urriaren 20tik 23ra egingo dute, zenbait berritasunekin

Ainize Madariaga

Filmez gain, kontzertuak ere antolatu dituzte. Gaualdi «sataniko» sorpresa ere prestatu dute

Ander Lipus eta Manex Fuchs aktore lanetan <em>Hondamendia</em> obran. Harkaitz Canok du idatzi eta Ximun Fuchsek zuzendu. ©GUILLAUME FAUVEAU

Hondamendien gailurra

Ainize Madariaga

Axut eta Artedrama konpainien 'Hondamendia' obrak pandemia eta Zaldibarko zabortegiaren drama ditu mintzagai. Historiatik istorioa idatzi du Harkaitz Canok, eta Ximun Fuchsek du zuzendu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.