Ekonomia

35 orduko lan astea baliogabea dela berretsi du Gorenak

2016ko abenduan EAEko Auzitegi Nagusiak eman zuen epaia berretsi du Gorenak, eta Jaurlaritzari arrazoia kendu dio. Langile publikoen lan astea Espainiako Gobernuak jarritako mugen barruan egin behar dela uste du, eta nabarmendu du 35 orduko lan asteak ez duela lekurik han.

Eusko Jaurlaritzako administrazio publiko orokorreko langileen elkarretaratzea, iazko azaroan. JUANAN RUIZ, ARGAZKI PRESS
2018ko otsailaren 1a
16:15
Entzun

2016ko otsailaren 2an onartu zuen Eusko Jaurlaritzak langile publikoei 35 orduko lan astea ezartzen dien dekretua. Estatuaren Abokatuak helegitea jarri zion dekretu horri, eta EAEko Auzitegi Nagusiak arrazoia eman zion, dekretua baliogabetuz.

Jaurlaritza ez zegoen konforme, eta, beraz, helegitea jarri zion erabakiari, Espainiako Auzitegi Gorenean. Helegite hori ez du onartu, ordea, Gorenak, eta, beraz, dekretua baliogabea dela berretsi du.

EAEko Auzitegiak 2016ko abenduan esandakoa berretsi du Gorenak, alegia, administrazioek Espainiako Gobernuak jarritako mugen barruan zehaztu behar dituztela tokiko langileen lanorduak. Horretarako, 2012ko Estatuko Aurrekontu Nagusietan jasotako legea dagoela indarrean ekarri dio gogora Jaurlaritzari.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.